邊個咁大膽阻住國家領導人⁉️直擊日本車廂刺激🔞🈲現場？！一人一個旅行之匪夷所思Part2✈️

機動電視台RTV | 娛樂類 | Oct 9, 2023

此影片謄本由見字飲水＆Zoo製作

★非作商業用途，本檔案版權歸版權持有人獨有★

鄭中基：見到河入面有個勁興奮嘅大陸呀叔！喺度向岸上揮手：This way my friend。

全間停車場開曬燈，仲有啲人跳窗走，唔知咩事，人哋跳我又跳啦，一跳出去，出面全部大光燈。

於是乎過海關嘅時候，海關以為佢係（笑——）以為佢係炸彈。

（普通話）小心你後面的男人，他想偷東西。

---

鄭中基：Wee~又到咗匪夷所思嘅時間，今次就係旅行匪夷所思#Ep2。啱啱開關，我相信大家都有好多匪夷所思嘅事——去旅行架（？）。

Step：係呀，真係好匪夷所思。

湘湘：我都有諗緊去旅行，我諗緊去英國定係去倫敦好？

鄭中基：咁你諗諗先，咁我可以開始同大家講先啦，你諗諗啊。好啦，第一位就叫做Bonnie Tang，佢就話：Wee…話說n年前，我老公自己一個人，走咗去日本旅行、影櫻花，佢當年專揀一啲偏遠嘅山區去影櫻花，嗰日佢影完花就諗住搭火車，返落東京，有咩可能呀？真係好偏遠呀個地方，所以佢嗰架火車，只有佢同另一個男人坐，咁我老公就自己一個坐咗喺較尾嘅位置，中途有一隊人，係一隊人上車。當火車開出之後，嗰隊人其中一個，去埋我老公嗰度，講咗一堆嘢，講咗好耐，由於我老公唔識日文，對方又淨係識日文，所以係溝通唔到，最後嗰個人係示意我老公，唔好離開佢個座位，當我老公一頭霧水之際，我老公見嗰隊人，就開始set機set位，原來係拍嘢嘅，咁我老公就諗住，哦~拍嘢啫，點知！原來係拍AV㗎（現場睇動作片），咁我老公就諗住，哦~拍嘢啫，啊唔係，哩度講咗喇喎。

下載檔案

所有資料非作商業用途，若有內容侵權，請即通知我們移除。

眾人：哈哈哈哈哈！（初期老人痴呆症）

鄭中基：咁真人喺我老公面前拍，我老公都呆咗，雖然嚇一嚇，但我老公不得不讚佢好專業、認真，而且拍完會清潔返曬所有嘅地方。

Step：周圍唧呀嘛？

鄭中基：咩呀？（不可以色色）

鄭中基：咁時隔一段日子之後，我老公啲朋友真係去搵嗰個女優嘅AV睇下，睇下我老公有冇入到鏡。

湘湘：幾好睇喎！Live睇唔知係咩觀影感受呢？

Step：即係你最近都好似去完日本......

鄭中基：係呀，我啱啱去咗大阪翻嚟，我仲以為自己去咗大陸（很多內地同胞）嚟，唔知點解我成日都好攰，成日都想返酒店？

（廣告......）

湘湘：入正題呀！

鄭中基：好好好，入正題，呢位就係叫做Sharon Chan，佢就話喇，Wee……2019年同一班朋友去泰國，咁大班人呢梗係會夾一夾公數啦，每位就二千匹（泰銖），個個都速磅嘅，唯獨是一個團友，佢淨係畀咗一千匹啫，啲團友就話喇：喂，好找錢喇喎，我話：吓？找乜撚嘢？團友話：我畀咗九千匹你㗎喎，你好找返七千匹畀我喇喎，個團友就做咗一個動作，揸住張銀紙，指住：呢個咪九字啦（1000匹上面的圖案）？係喎，佢張銀紙嗰個又真係好似個九字喎。

湘湘：但係佢有個更清晰嘅，四個digit嘅數字喎。

鄭中基：冇錯喇就係右上角......跟住係阿天（佘溥天）嚟架喎

湘湘：阿天呀天哥天哥。

鄭中基：今次呢佢就話喇，試過幾年前出埠拍大陸真人show，成crew百幾二百人包咗成架飛機，器材加埋行李overload，要比八十幾萬，嘩~記得呢係要用三個高層加埋三張信用卡先碌得掂條數，點知上到機有個空姐話，其中一張卡過唔到數，要hold住唔比飛，成班同胞即刻起哂身，話要落機，嗰下真係好好笑，你以為搭巴士呀？哈哈哈哈哈，到最後啲行李都係裝唔哂嘅，我哋香港crew嘅行李就要用第二班機運，之後啲行李寄失咗，唔知運咗去邊，等咗一個禮拜之後啲行李終於返嚟喇，我睇到我成個行李嘅行李牌，差唔多係地球轉咗個圈咁，即係佢啲Gip係咁貼啦，你去到邊度係咁貼，咁你認到係你個行李都算好。有試過係個行李係一模一樣，但係個行李入面啲嘢唔係我。

湘湘：吓？即係點呀？

鄭中基：唔係我唔見咗個行李，就係喺飛機場唔見到個行李，咁後尾我：「我個gip係咁嘅，你幫我搵返啦。」我畀埋個tag佢嘅：「你搵到嗰陣時，我就過嚟pick up啦搵人，咁佢pick up嗰陣時，嗰個係個款係一模一樣，顏色都一模一樣，但係入面啲嘢係唔係一樣嘅。下一個喇，Cherry Lam，佢就話wee…當年第一次跟團落泰國，某日喺沙灘自由活動，我同個朋友喺沙灘坐低無耐，見到河入面有個勁興奮嘅大陸阿叔呢，喺度向岸上揮手（叔叔真可愛），一路跑翻岸邊，佢跑呀跑，然後我同我朋友即刻對望，屌，個阿叔原來著住紙底褲落水，然後唔知條紙底褲濕晒、爛晒，佢全身得番三條橡筋咁，我哋兩個即刻笑到爆，即係嗰三......

Step：三角褲呀嘛嗰三條橡筋

鄭中基：係呀，呢個俾我想起嗰個浣熊，洗棉花糖咁囉，一落個底褲橡筋冇咗。

湘湘：國王的新衣呀！呢個係。

Step：佢仲有條橡筋箍住咗佢有安全感，但佢又覺得有啲涼爽喎，又好開心。

湘湘：係啦~

鄭中基：好啦跟住呢個就叫唔好開名嘅，佢就話啦，Wee…當年去摩洛哥Exchange，每逢周末就成班friend呢，就會穿州過省呢，搭火車去旅行，有一次呢要坐N個鐘頭火車，我哋八個人呢就Stay一個包廂，咁中途呢，有兩個陌生男人呢打開車廂嘅門，就走入嚟用唔流利嘅英文同我哋傾計，一邊同佢哋吹水，一邊就教佢哋玩啤牌，點知玩咗個幾兩個鐘呢，有三個著住制服嘅警察衝入嚟，塔咗嗰兩條友（Ronald問號），然後用阿拉伯文同法文同我哋講嘢，我哋實識聽啦，最後好勉強咁用英文話我哋知，其實兩個呢係通緝犯。

湘湘：嘩，你好有緣呀。

Step：通心粉呀。

鄭中基：咁就叫我哋小心啲，唔好再俾陌生人入嚟我個車廂啦，好好笑嘅呢，就係我哋玩得好開心，仲有自拍添。

眾人：（大笑）

鄭中基：即係啲通緝犯同你影相，呢個真係勁喎，你自己係通緝犯嚟，「可唔可以影相啊？」，「好啊。」

湘湘：我哋之前R Files，都有一個印度佬去拍電影㗎。

鄭中基：大陸都有㗎，仲要係紅咗添呀佢，紅咗先至知道，原來佢係一個通緝犯嚟，跟住呢位啦，佢就係叫Jazz Ma，佢就話，Wee…話說超多年前公司去旅行去芭提雅，咁上機前，因為咳呢就去睇醫生，咁啲同事落disco呢，我又跟住去喎，不過原來收兩點，咁就成班轉場去神秘啲，外面呢係平地嘅停車場，咁玩咗一陣。突然！全間（停車）場，開曬燈，仲有啲人跳窗走，唔知咩事，人跳我哋又跳啦，一跳出去，出面全部大光燈，仲有好多支長槍指住我哋，原來係曼谷啲警察掃毒嚟，咁又搜身又又盛咁啦，咁就搜到我包藥，問我乜嚟，呼呼......比支槍指住，我驚到唔識講嘢，指住個喉嚨咳咗幾聲，個警察呢開咗我支咳藥水，聞咗一下，然後成支隊咗（好口渴定啦），仲講咗句“Good taste, you can go home”，咁就放咗我哋走。

Step：啲警察開飯喎，睇嚟......

鄭中基：呢個叫做KW Tsoi，佢就話，Wee…幾年前同親戚去澳門睇演唱會，第二日返香港呢，排隊過關嗰陣呢，隔離個阿叔呢好似唔識咁，搞咗好耐呢，都scan唔到張身份證，仲跌埋，我親戚好心啦，就幫佢執返張證同教佢點樣scan啦，原來嗰個係鄭中基（小丑竟是我）。

（眾人大笑）

Step：Oh my god！

鄭中基：By the way，嗰次都係睇你演唱會。

湘湘：你有冇印象有件咁嘅事？

鄭中基：（當事人已經失憶）我完全冇印象有件咁嘅事，好！跟住呢位叫Cindy Ye， Wee…有一次呢，我就花咗幾千蚊，就訂咗一間位於西班牙度假勝地嘅，海島豪華酒店，到一落飛機呢上咗架的士呢，我就馬上將酒店嘅地址俾司機睇啦，然後個司機一直說：「去唔到嗰個酒店。」我就好嬲啦，我問佢點解去唔到啦，咁我落車啦，查一下個酒店嘅地址，就發現，原來我哋訂嗰間酒店呢，係喺非洲大陸附近一個小島，而小島個名呢，就同西班牙嗰個島係一樣嘅，心諗，死啦，幾千蚊就冇咗啦，今晚住邊度？

湘湘：錯得好離譜......

鄭中基：呢個真係好......佢訂咗㗎喇喎，但佢個機票又去買咗去西班牙嗰度㗎喎。

Step：我懷疑個司機根本就唔係第一次囉，因為佢一見到就......唉......又係呢個，我去唔到呀......

鄭中基：哈哈哈哈！但係都勁呀呢一個，呢個錯得好徹底，跟住落嚟就係Rex Ng，佢就話啦，wee…最記得第一次去印度工幹，我問當地人點解成日都見到啲男人對住幅牆，然後蹲低，將對大腿打得好開，佢哋做乜呢？留到最後先開估......

咁就講多單印度公幹嘅嘢啦，咁就中午就去咗供應商個家，進行午餐嘅會議。咁佢屋企呢就有幾千呎後花園嘅，仲養咗好多小動物，全部放養喺花園度周圍走嘅，包括有狗啦、貓啦、鴨啦、羊啦、兔啦等等。我問佢佢哋都是 Pet 還是 Food？佢話 "Why not both”，我話我只能接受是但係一樣，唔可以食 Pets 嘅。然後佢仲話：頭先食嗰隻雞叫 Nancy。

【嘩⋯⋯】

好啦，而家開估啦，個男人對住幅牆蹲低呢，係隨街小便。

【咁你冇見過，即係你印度拍戲嗰陣有冇見過佢哋對住幅牆咁樣？】

我只係見到佢哋成日拗屎忽，即係可能係呢，我估姐，佢哋用手抿㗎嘛，佢哋唔係用紙㗎嘛，可能有時唔乾淨，啲屎乾咗黐住喺度，咁佢狠狠地拗下，就喺褲腳度凳返嗰啲乾嘅屎，屎粒出嚟。

【以我所知，佢哋都係用手食飯嘅。】

係，另一隻手，係囉。好衛生。食飯之前先拍手，好嘢，好好食，哈哈哈哈，好好食飯。

好，嚟，呢個叫做 PomPom ViVi Chan，佢哋話wee~細個同一家人加親戚包團返大陸玩，搭旅遊巴行過一條新起好嘅橋嘅時候，個大陸導遊就同我哋介紹條橋有幾威威，然後佢就好自豪咁講，因為有呢條橋，佢哋市政府整咗好大個 Banner 去炫耀同深感自豪。而嗰個 Banner 嘅內容就係「清潔江門，愛護江門，建設江門」，哈哈哈哈，我哋好呀，忍笑忍到震呀真係。

好難得係可以咁大聲去講，乜都唔諗，淨係江門江門，哈哈。

呢個叫做 Trivan Pang。有次同屋企人去台中旅行，咁回程嗰陣就搭的士去機場，開頭司機大佬有撩我哋講下嘢，咁問下去咗邊度玩呀，玩咗啲咩呀，咁然後話你哋四個人玩呀，啱啱好呀，講咗兩三次。我哋都係答，唔，冇興趣，因為我哋本身得三個人。

【采微又嚟啦。好l驚。哈哈哈哈。】

唔會嘅，有時嗰啲係即係講錯嘅。

【如果佢猛咁同你講四個人呢？】

我咪問佢囉：我哋得三個人咪四個人，你睇到邊度有四個囉，我咪問佢。

跟住呢個就叫做⋯⋯點讀呀？好呀，嘩呢個真係喎⋯⋯Inaim GU。多年前，喺北京有個外國明星級腕弦樂團開演奏會，我哋買咗平嘅票坐喺後面聽，見到前排有空位冇人坐，於是中場休息之後，就去前排冇人坐嗰啲位就坐低，睇埋下半場。咁之後完show開燈呢，見到坐我哋後面嗰班人，全部喺電視上見過嘅領導人嚟㗎。

【如果係咁，竟然冇人請走佢哋。係囉，冇人阻止佢哋。】

梗係囉，啲領導人，梗係瞓撚曬㗎啦，哈哈哈哈，梗係瞓撚曬咪見佢唔撚到囉。

好跟住落嚟，Daisy姐，Daisy Yip，佢就話啦，話說某年帶住某個藝人去登台，咁當時團隊內呢，有一位吹蕭嘅樂隊成員，就因為帶咗幾支簫去用，佢又冇case入好。吓咁危險。就咁將幾支簫用兩條繩就咁頭尾紮住，於是乎過海關嘅時候，以為佢係炸彈，即刻撳住佢，佢就解釋話呢啲係樂器嚟，最後海關要佢當場每支簫都吹一次，哈哈哈哈，吹得響就畀佢過關，引來全場嘅掌聲。因為佢呢個，我覺得呢個好似係九虎會發生嘅事，但係佢係嗰一刻吹唔上，佢：「就吹到，冇呀」，跟住就拉住佢。

跟住呢個叫做Mozzi Tsui，佢就話疫情之前同屋企人去大阪城，咁好多人要排隊上去啦，咁排隊嗰度呢，係一條樓梯嚟嘅，突然有一個女仔拍拍我，用普通話講：小心你後邊個男人，他想偷東西。然後我望一望，拎班轉頭同佢講，他是我爸爸。哈哈哈哈，即係佢老豆喺個袋度可能攞啲嘢，哈哈哈哈。

【咁佢又好好心嘅】

係呀，都幾好呀，他想偷東西，他是我爸爸，哈哈哈哈，OK喎呢個，好有畫面呀，呢個可以拍呀，飆眼水。

好啦，跟住呢個叫做FuFu HKH White。佢哋話wee，試過去布吉一行七人，入境嗰陣呢，排咗四個鐘頭都未過到，等到凌晨都未入到境，但奇怪嘅係入境大堂，竟然唔係逼滿曬人。我哋開始研究啲人去咗邊，咁佢就觀察咗一陣，發現有啲著住便服嘅當地人，會同旅客搭話，但過一陣個旅客就唔見咗，於是我就過去問下點解我哋要等咁耐。佢直言，100泰銖就一個人，係有特快通道。嘩，係咩，有啲咁嘅事。

【佢呢啲擺明就唔係正途嚟㗎。】

係啦，佢哋自己嗰啲下欄。我哋目測應該等到聽朝都未入到境，所以即刻畀錢，兜過人籠係閘後面，有幾條隊。嘩，都幾條隊。我從未見過咁好笑容嘅關員，仲係老遠已經揮曬手咁講 "This way, my friend”。過完仲送粒朱古力你食，好好招呼。嘩，咁呢個大家以後都知啦。

好，跟住呢個就叫做Wing Yiu，佢就話啦wee，十幾年前大學同同學結婚，咁成班朋友就過門做兄弟姐妹，咁啱男仔負責幫手book酒店，兩三間房啦。咁成班人收工就衝過大海，十一點幾十二點到酒店check in，埋到櫃檯就check in唔到，點解呢？因為個名唔啱。點解個名唔啱呢？個男仔用咗化名，化名家明嚟到book房，咁冇任何證明文件都證明到佢係，咁成班就企咗喺度啦。因為經agent book咗時呢，就時值係深夜，就冇辦法搵到證明，咁個男仔呢就同櫃檯講啦，我就係家明，佢哋個個都叫我家明，係嘅。我哋係叫佢嘅家明，叫到差啲唔記得佢嘅真名。擾攘咗一輪呢，就唔知個男仔用咗咩方法，酒店肯畀我哋上房先，話第二朝早一早打返香港再搞，第二朝搞掂啦，成班變晒身兄弟姐妹出發。

【湘湘：其實搵男士book酒店呢件事，都真係遇咗奶嘢。
Step：係呀？我未試過呀。】

係呀。但係佢係：我就係家明。

【即係好似我哋幫九虎book酒店，就寫咗九虎咁樣。】

跟住佢就冇房。

今日MVP，我覺得今日MVP係嗰個他想偷東西，跟住佢望一望嘅時候，他是我爸爸。

【我覺得嗰個，咁Why Not Both都幾好呀。】
 係呀，Why Not Both嗰個。頭先食隻雞叫Chicken，隻Chicken叫Nancy，

我哋就仲有好多㗎其實，係呀。好我哋分下一次，我哋分兩次，我哋下一集再繼續埋下半集。

【大家繼續喺留言區度留言投稿啦】

好下集見，Bye Bye。on9喺個燈前面揮手，係咁影響自己，Bye Bye。