iPhone更新改善散熱｜速度大戰！15 Pro Max對決S23Ultra｜Pixel 8再添AI功能｜輕旗艦Galaxy S23 FE登場｜廣東話 #PriceWeekly 187

咁 Apple 都再強調多次，15 Pro 系列用嘅鈦合金邊框，係比起之前嘅不鏽鋼會有更加好嘅散熱。咁就希望用家唔需要太過擔心啦。

唔知佢有冇朋友已經 update 咗最新嘅 iOS。你哋又覺得散熱嘅問題有冇改善到呢？

歡迎留言同我哋分享一下。我哋嚟緊都會再同大家測試一次，更新咗既 15 Pro Max 喺散熱同效能上有冇提升。到時記得收睇喇。

出咗名跑 Speed Test, Battery Test 嘅 Youtube Channel PhoneBuff 啱啱就出咗最新嘅 iPhone 15 Pro Max 同 S23 Ultra 嘅 Speed Test 對決。呢個測試係點嘅呢？

其實裡面 PhoneBuff 就輪住 run 16 隻 App 同 game，睇下跑兩 Round 要用幾多時間。喺呢個對決入面，當中第一 Round 跑到第 6 同第 7 隻 App 嗰時，S23 Ultra 曾經一度領先過㗎，不過最後 15 Pro Max 都係反超前，以 2 分 45.4 秒完成，險勝 S23 Ultra 4.1 秒𠻹。

有興趣睇哂成場比賽嘅朋友，可以 click 右上角條 link 去睇 PhoneBuff 條片。

Google 最近就喺發佈會度公佈咗新嘅機型，Pixel 8 同 8 Pro，同時都有其他嘅產品同時公佈。

Pixel 8 同 8 Pro 會喺 10 月 12 號上市，每款都有三種顏色。而且 Pixel 8 系列採用 100% 回收鋁。佢哋嘅 CPU 係 Tensor G3，AI 性能足足比第一代高咗成兩倍，可以用「魔術降噪」嚟消除片同相嘅背景雜訊，仲有「魔術修圖」可以消除物件同重新排列。

Pixel 8 Pro 有 6.7 吋 120Hz Mon，佢特別嘅位在於有溫度感測器，可以掃描物體溫度。鏡頭方面都會比 Pixel 8 勁啲。

Pixel 8 有 6.2 吋 Mon，機身嘅長同寬都縮減咗，更加貼合手型。同時發布嘅仲有 Pixel Watch 2，佢新增咗膚電感應應同壓力偵測。

軟件方面多咗緊急求救功能，每一段時間就會問用家係咪安全，冇回應嘅話就會傳通知畀緊急聯絡人，保障性就高咗好多喇。電力方面喺 Always on Display 模式下都用到 24 個鐘，叉電 30 分鐘就用到 12 個鐘𠻹。

而 Pixel Buds Pro 就有軟件升級新功能，包括支援藍牙 Super Wide Band，可以體驗超清晰嘅通話，亦都降低咗 50% 嘅延遲。

最後就係 Google 推出咗新嘅 AI Assistant with Bard，佢可以做到好多嘢，例如電郵可以用佢嚟揀啲重點出嚟，咁就方便到用家喇。

至於售價方面，Pixel 8 大概會喺 5470 蚊左右，8 Pro 就要 7000 蚊以上，Pixel Watch 2 要 2600 蚊起，Pixel Buds Pro 而家價位喺 1600 蚊附近。

Pixel 8、8 Pro 同 Pixel Watch 2 10 月 12 號開始喺台灣賣，不過香港依然都係未有行貨嘅。

Samsung 一直都有個 FE 系列，畀用家以平啲嘅價錢入手性能仍然唔錯嘅新產品，而最近就出咗新嘅 FE 產品喇。

首先係 Galaxy S23 FE，佢沿用返 S23 嘅圓角直板設計，玻璃機背同金屬中框。不過螢幕尺寸就變咗 6.4 吋 120Hz AMOLED，三個主鏡頭有 50MP 廣角、12MP 超廣角同 8MP 3 倍遠攝。

用到 Snapdragon 8 Gen 1 CPU，有 8 GB RAM 同 4500mAh 電量，同 128GB、256GB 兩個版本可以揀。新機定價係 600 美金起，港幣大概 4700。

之後係 Galaxy Tab S9 FE 同 FE+ 兩個都用 Exynos 1380 八核心 CPU，Mon 嘅大細方面，FE 有 10.9 吋，FE+ 有 12.4 吋。售價由 450 美金起，即係 3500 左右港紙。

最後仲有新系列 Galaxy Buds FE，佢採用比較扁平嘅外飾板設計，有好啲嘅觸控體驗。降噪狀態都播到 21 個鐘，但係得一個單元，亦都冇無線叉電。

不過售價就只係 100 美金，即係 780 蚊港紙左右。

而家嘅 Apple Pencil 第二代，唔講唔知其實已經係係五年前推出，近期就有網民爆料話，Apple 已經開發緊第三代嘅 Apple Pencil。

最大嘅升級主要係佢嘅筆尖，喺網民提供嘅相可以見到 Apple Pencil 3 嘅筆尖會有唔同長度同闊度，連筆尖嘅角度同接觸面都會唔同。

主要比用家因應唔同嘅需要去揀返啱自己嘅筆尖。除咗筆尖之外，都有傳話佢嘅精準度同電池續航力都會加強，但就未有詳細嘅資料。

咁大家都話如果 Apple Pencil 真係出第三代嘅話，相信喺嚟緊 2024 年，iPad Pro 都好大機會會有新升級。

如果平時都好鍾意用 iPad 寫字畫畫嘅朋友就記得留意住啦。

上個月為大家報導過嘅 Lenovo 掌機 Legion Go 已經喺海外開放預購啦，正式推出日期就係 10 月 31 號。

喺度好快重溫一下佢嘅配置，Legion Go 用咗 16:10 嘅 8.8 吋屏幕，解像度係 2560×1600 支援 144Hz，有 500nit 亮度，同埋色域有 97% DCI-P3。

處理器方面，搭載咗 AMD Ryzen Z1 Extreme 可加速去到 3.5GHz，電池容量就係 49.2Wh，支援 65W 超快速充電。

另外佢有 16GB RAM，仲有 micro-SD 卡槽 support 去到 2TB 嘅記憶卡，SSD 可以揀 512GB 或者 1TB，兩者分別賣 $699.99 同 $749.99 美金，為返港紙約 $5500 同 $5900。

我哋問過香港代理果邊，香港係會有行貨推出，但係就答唔實幾時開賣喇。

有興趣而又心急嘅朋友可以留意 Lenovo 外國官網或者 Best Buy 睇下有冇親戚朋友可以幫下手啦。

Nothing 嘅子品牌 CMF 最近就推出咗三款嘅電子產品。

三款嘅售價都好平，第一個係 Watch Pro 智能手錶，有 1.96 吋嘅 AMOLED Mon 同內置 GPS，仲有測心率、睡眠壓力水平等等嘅 Sensor。

而且電量好好，可以用成 13 日。第二款係 Buds Pro 全無線耳機，佢有成 45dB 嘅主動降躁功能，減低風造成嘅聲音干擾，仲有 AI 降噪消除背景聲。

而且熄咗 ANC 嘅話，叉一次電就用到 11 個鐘，配埋叉電盒直頭可以用成 39 個鐘添。

第三款係 65W GaN 叉電器，佢有兩個 USB-C 同一個 USB 插頭位，只要 25 分鐘就可以將 Nothing Phone 2 由 0% 電叉到 50%。

佢哋嘅售價分別係 Watch Pro 540 蚊，Buds Pro 380 蚊，而 65W GaN 叉電器淨係 300 蚊啫。

鐘意玩賽車遊戲嘅朋友一般都會有賽車軚盤同埋踏板依類嘅配件，用佢嚟增加遊戲嘅體驗。

而 Logitech 最近就公佈咗 Playseat Challenge X Logitech G Edition，佢嘅售價係 2342 蚊。

佢係一款可摺疊櫈，慳位不特止，仲可以調校各種部位嘅角度同距離，例如軚盤嘅角度，踏板嘅距離等等。

對於鐘意賽車 game，但係屋企冇位嘅玩家，依款可摺疊嘅櫈就可以喺你玩完遊戲之後摺埋放喺一邊，慳返啲空間出嚟喇。

不過要記住佢只係對應到 Logitech 自家嘅軚盤同腳踏。

今集 Price Weekly 又差唔多啦。你哋最鐘意邊單新聞呢？歡迎喺下面留言話比我哋知。我地好快有新片同大家見面。

大家記得訂閱我哋 channel，再按旁邊的鐘。Bye bye.