被父親盯上的小姨子？😈 做咗啲咩俾老婆小到反艇？！😰 一人一個之爸爸匪夷所思👨🏻

機動電視台RTV | 娛樂類 | Aug 15, 2023

此影片謄本由happilyeverafter＆港女製作

★非作商業用途，本檔案版權歸版權持有人獨有★

(Opening)鄭中基:羊水都穿咗喇點... 點樣忍住唔生呀? 忍尿都會忍到, 生佢係忍唔到㗎! / 照相嚟㗎? OK OK OK! / 你要打㗎嘛? 好! 我自己嚟! 然後, 我哋三個手托手喺條街度...

鄭中基:Weee~到了匪夷所思的時間了, 這次就是詢眾要求, 爸爸之匪夷所思。好, 看下這次爸爸又......

鄭中基:OK! 好 ,第一位就叫做 Vega Tam, 佢就話喇, 呢個係人哋老豆。點解第一個就講人哋老豆呢? 佢就話呢個人哋老豆, 以前讀書中學去朋友屋企朋友老豆聽電話,我仲未開聲佢就話: [喂, 飛機總部。] 我唔明喎.....

湘姐:咁似林敏聰先生會做嘅事。

鄭中基:係囉,佢個度叫飛機總部, 即係佢屋企......

湘姐:好多......航班。

鄭中基:第二位就係叫做 Ellen ng, 佢就話 :有次同老豆食飯, 我碟意粉有兩個大啡菇 ......咩嚟㗎?

湘姐: 即係嗰啲咁大嗰啲呢, 會釀啲嘢喺入面食嗰啲呀!

鄭中基:哦 ,我知即係嗰啲漢堡包, 有啲係食草塊塊菇嗰啲, 哦 ~OK OK!好喇,咁大啡菇......咁我就問老豆食唔食 ?跟住佢話唔食, 我已經娶左個返屋企。

鄭中基:呢個好嘢喎!

湘姐: 當時人唔知佢唔喺度嘅呢?

鄭中基:係, 總之我一早睇後面, 我就知咩叫大啡菇喇!

大家: 好嘢喎呢個!

鄭中基: 好, 呢個叫做 Jeanette Cheung, 佢就話喇, 我老豆成日同佢D同事講我老公係雞蟲, 因為佢鍾意食雞。唔係, 係鍾意打機嗰隻食雞? 定係真係嗰啲雞先? 如果係講嗰個, 咁我諗好多都係雞蟲, 小朋友都係雞蟲。

Step: 我地公司都有一個好鍾意食雞。

湘姐:係呀!

鄭中基: 讀到第三個咋喎, 後面嗰啲咪就好大鑊? 跟住就係 Stephanie Chan, 佢就話喇, 幾年前某一晚同屋企人決戰四方城嘅時候呢, 我老豆話: 你地唔好成日去廁所, 每次都沖水, 儲兩,三篤先好沖, 因為好浪費水同埋水費會貴。

鄭中基:個D鹹水黎架?

Step: 係呀。

鄭中基: 屋企係住居屋, 所以我好肯定係鹹水而唔係淡水, 我老豆就躁躁地好堅持咁話: 淡水黎架! 而我都好堅持再一次回應佢, 居屋一定係鹹水嚟㗎, 唔使錢㗎。跟住老豆呢就話: 你識咩野呀? 我撈過黎刷牙! 跟住成家人O嘴兩秒, 跟住爆笑, 我哋都O咗嘴, 不過我估我老豆都係9up嘅, 我希望我估錯啦, 完。

下載檔案

所有資料非作商業用途，若有內容侵權，請即通知我們移除。

鄭中基: 即係撐嗰啲呢, 我飲過! 我飲過! 你真係飲過? 係! 你唔信我,我飲一次比你睇! 我哋唔好搞佢,萬一佢真係飲, 仲要儲埋幾篤先飲......

鄭中基: Ok!好, 跟住就係Samantha Chan,佢就話: Weee~我爸爸雖然已經係天上, 但呢個故事喺我哋屋一家都係超深刻嘅, 喺細個某一日, 我哋一家人行商場, 經過某按摩椅店突然我老豆就講: 嘩! 呢張電椅都真係幾靚。佢呢句電椅, 之後好多年間唔中都拎出嚟笑下!

鄭中基: 我覺得電椅真係幾勁。

鄭中基: ......都好掛住佢, 見到佢啲相就諗起,佢雖然唔係細心, 但都會用佢嘅方法去愛惜屋企人。

鄭中基: 咁佢都係要用電先得㗎嘛, 亦都係一張椅, 咁所以叫電椅。

大家: 係無錯唔晒嘅。

鄭中基: 呢一個, 下一個佢個名爭啲長過佢嗰句嘢係喎! 好喇,佢叫做 Vodkamok Lucky Mok, 佢就話啦, 我人生第一次gel頭, 係中一嗰時, 老豆問我扮咁靚係咪想做鴨?

Step:都係關心黎既。

湘姐: 我諗住佢係想問佢, 係咪可以早啲幫手養家。

Step: 即係佢想同佢有啲人生規劃, 而家好興㗎嘛。啲中學同小學都要做人生規劃。

鄭中基: 我諗住佢老豆做嘅下一句, 你扮咁靚係咪做鴨? 可唔可以遇埋我?

鄭中基: 好喇, 跟住落嚟呢個叫做 Annie Chan, 佢就話: Wee~ 老豆係一個傳統老古板嘅人嚟嘅, 咁記得小時候應該三十幾年前, 爸媽就帶住我哋出去, 咁我哋三姐弟嗰陣午餐就想食麥當勞, 咁因為我老豆唔鍾意食啲洋野, 咁佢最後就叫咗隔離旁邊麵攤嘅陽春麵, 即係見到爸爸, 拎住嗰碗陽春麵入咗麥當勞, 搵我哋同佢哋一齊食晏, 我哋就好想扮唔識佢, 因為大家都睇住我哋...... 期待大佬台灣嘅演唱會。

鄭中基: 不過我多謝你先。

湘姐: 我諗起我媽用中湯送忌廉蛋糕做早餐嗰啲, 錯配咗一個點。

鄭中基: 哦, 係呀。

Step: 即係驚佢食完生冷, 即係所以飲番D湯。

湘姐: 諗咗太多，純粹係我媽想我一餐入面，完成晒呢兩樣嘢咁樣，所以我搬走咗喇。

鄭中基: 即係呢個跟住呢位叫做Be Lam，佢就話：Ｗｅｅｅ～件事係發生喺我前夫身上嘅，話說我前夫中學時候家長日, 由佢爸爸同佢去, 咁去到學校附近, 爸爸就點咗支煙, 咁一路行咁入到學校呢, 就俾校工截停佢就話: 先生, 學校唔可以食煙㗎。然後佢爸爸就好不屑咁話: 屌! 學校唔食得煙咁咩? 跟住隨手就掉咗支煙喺學校嘅地下。

鄭中基: 其實呢, 我唔知你哋嗰時嘅學校食唔食得煙呀? 我讀緊書嗰時, 我嗰個中學呢, 係食得煙嘅。啲先生呢, 喺教員室嗰度呢, 即係無堂呀、或者小息呀, 或者咩放食飯時間呢, 佢哋就會喺教員室度食煙嘅, 咁我哋去見先生見老師嗰陣時呢, 佢哋都係, 舔住支煙喺度同我哋講嘢, 嗰個年代係得嘅。

鄭中基: 我記得嗰陣時我外婆同我一齊搭飛機, 咁喺飛機最後嗰度囉, 咁有啲食煙位嘅, 前面都食嘅, 咁但係呢啲人, 食煙嗰啲人唔會買食煙位, 食煙嗰啲人係買唔食煙嘅位, 跟住去食煙嗰啲位食, 所以我咪係囉, 我外婆嗰啲。咁我哋全部都唔食煙㗎嘛, 得佢一個食, 咁咪就係坐前面跟住佢就叫我陪佢喺後面食, 跟住佢就每次都俾一支我食, 咁我就成日問佢, 佢未食嗰陣我拍佢: 喂! 食煙啦夠鐘!

Step: 係咪啲人後來發現呢啲人全部都起晒機尾, 所以就取消咗。

鄭中基: 即係飛機長時間飛嘅時候係咁樣, 係歪嘅。 Ok, 跟住呢個叫做 Agaaga Ng, 老豆拎住我細個張相話你嗰時幾得意, 坐住輪椅學行。係學行車。

湘姐: 呢個係電椅嘅friend。

鄭中基: 係囉, 都幾好笑喎呢個! 依然個個坐喺輪椅學行。 Ok! 下一位叫 Kit Ying歐陽, 佢就話: Weee~ 我同爸爸去台灣旅行, 去到酒店房間佢拎起枱面一嚿嘢放落口...... 一入去酒店第一樣嘢就已經: 喂! 咁嘅喂, 佢以為係鳳梨酥, 其實係個番梘。

鄭中基: 呢個我有嘢交! 我公司以前啲同事, 咁話說呢, 佢有一次公司旅行, 咁去日本食buffet, 隔離有一個人呢, 就攞住碟嘢就走入嚟, 跟住一食聽到, 嘎啦一聲, 好撚大聲, 嘎啦一聲, 即係好似啲牙咬夠爛咗自己啲牙, 嘎啦嘩。咩事?咁撚脆嘅? 定係咩嘢? 我見到佢一兜, 跟住擺撚好撚多一粒粒嗰啲, 好似豆咁樣, 好撚大粒。跟住就話: 嘩! 屌呢啲豆, 咁硬! 跟住佢話: 屌你老母, 啲石春嚟!

鄭中基: 講過㗎啦咩呢個?

Step: 我有聽過。

鄭中基:哦, 係咩? OK! 好啦, 呢個叫做 Hubert Yeung, 佢就話: 以前爸爸好鍾意飲可樂嘅, 每日最少飲一罐, 有一日見佢竟然拎住罐雪碧, 我問佢點解轉飲雪碧呀? 佢話畀我聽, 醫生叫佢飲少啲可樂。應該叫佢你飲少啲汽水。即係等於醫生叫你飲少啲啤酒，跟住佢仲快醉啲飲Vodka。

呢個叫做⋯⋯XXX嘩！佢就話唔好開名嘅。佢話有次呢我響房打緊機，突然爸爸係廳度呢好大聲咁問我：「阿仔！咩係LA呀？」我就響房大聲咁答佢：「LA咪即係洛杉磯囉！」然後我爸爸又大聲話：「LA喎！你出嚟睇下先」之後我行出房，佢就對部電話畀我睇，係寫住NO LA。

好啦呢個叫Venus L Ven，佢就話有次個仔激到我老公好嬲，佢準備好兇狠咁鬧個仔，然後佢好兇狠咁對住個仔叫左叫自己全名。我係隔離忍唔住笑到仆街。

暴龍哥：我諗佢口快快講錯咗，即係佢係嬲到一個點。

湘湘：其實可能佢想叫個仔個全名，但佢係嘟嘟嘟咁樣，跟住就叫返自己個名
好！呢位叫做C Yan Wong，佢就話Wee嗰時我仲未結婚仲同緊我屋企人住，通常化妝都係飯檯度化嘅，我啲嘢慣咗亂咁擺。有一日我媽拎住包化妝棉同我講收埋你啲嘢啦！你阿嬤以為棉花糖咬咗一啖話冇味呀！

暴龍哥：但係呢包嘢真係的確似嘅

Step：之前喺日本有個師奶買咗個佢以為係嗰啲絲瓜刷，即係洗嘢嗰啲，其實佢買咗棉花糖，佢一浸落就溶晒。

暴龍哥：哦！我知你講邊隻！嗰隻係用嚟餵浣熊嘅，嗰啲浣熊又係好乾淨㗎嘛你一畀佢佢就落去個河度洗一洗，佢一洗完冇撚咗，好撚Q㗎嗰條片
呢個叫做Cokobu Nyp，喺我細個嘅時候想叫醒個老豆陪我玩，點知叫佢佢都唔願起身。於是我喺老豆隔離祈祷，天父呀求你叫醒爸爸陪我玩啦！老豆聽完覺得好好笑於是就起身陪我玩，嗰時真係覺得天父好勁。

暴龍哥：天父好勁！為天父鼓掌！阿Evan（暴龍哥個仔）就係唔識咁樣，阿Evan識咁樣嘅話我都會起身。
跟住呢位叫做凱安林，佢就話Wee我老豆就嚟六張嘢，屋企張床就放咗個都幾大嘅小新公仔，而佢不時都會攞起隻公仔好似同佢玩超人打怪咁拋黎拋佢、蚊黎蚊去，仲要發出Roar roar咁嘅聲

湘湘：童心呀!童心呀!

暴龍哥：但佢仲可以係你地面前嗰度Roar

湘湘：佢唔係自己收埋

Step：其實係咪係想invite佢地一齊玩

暴龍哥：可能係，咁佢係要祈禱天父呀！
跟住呢個叫做⋯⋯咦！呢個咪Michelle。好喇WEEEEE 我爸爸係我五歲嗰年畀咗五蚊我，叫我吹咗一罐生⋯⋯生力，我又真係飲哂無醉，從此技能解鎖。

湘湘：為何我細個冇呢啲嘢

暴龍哥：我啱啱就係想講

Step：唔係呀因為你已經醉咗其實

暴龍哥：係呀每年中秋佢(湘湘)都飲好多，佢好期待，期待中秋多過聖誕。自己生日都唔理，中秋就可以對啤同埋玩追逐。
呢個就叫做唔好開名，呀Wee佢就話呢件事呢我都係聽阿媽講嘅，係我出世嘅故事。話說媽媽凌晨四點幾五點嗰陣喺屋企開始陣痛，同埋穿咗羊水準備要生我出嚟。媽媽就即刻同爸爸講要去醫院生，點知爸爸嗰陣掛住瞓覺就同媽媽講瞓多陣先生。然後媽媽就好嬲咁講：「羊水都穿咗啦！點樣忍住唔生呀！忍尿都忍到，生仔忍唔到㗎！」於是爸爸就懶懶行咁樣起身同媽媽搭的士去醫院生咗我出嚟，雖然爸爸平時就沉默寡言。但都好想藉住呢個機會多謝爸爸，因為爸爸早幾年工作嗰陣就唔小心受傷，半邊身體嘅肋骨都斷哂，喺ICU瞓咗一段時間治療咗好耐。幸好而家行得走得就連煙酒都戒埋，而家就健健康康咁生活。好感激爸爸而家仲喺我哋身邊每日照顧住我哋。

暴龍哥：嗯都恭喜你哋呀

Step：一時難瞓啫。

呢個叫做⋯⋯咦呢個叫咩呀？我們姓謝這一家，咁呢喺一個群組chat度呢爸爸就send咗「呢條女仲勁過我老婆個妹呀」出嚟，跟住呢佢就有條link寫住「被盯上的 X空姐淪為 X X 變 X 明日花綺蘿」，跟住sorry send錯。呢個勁喎
好啦跟住呢位就係 user一抽嘢(ib8gx9xj5h)嘅佢就話啦Wee有一日老豆俾碗湯我飲，我話碗湯好熱呀飲唔到。老豆一隻手指插入個碗入面打咗個圈話唔熱呀飲啦！為表誠意我飲咗。即係我都會攞隻羹或者咩或者摸下個碗咁呀，因為你唔知佢之前嘅手指擺咗喺邊。同埋啲爸爸通常會擺邊呢？（黃標）
跟住呢位就叫做 chitwong5456。佢就話Wee我個潮州老豆同我啲細妹去酒樓飲茶，一埋位老豆就問經理有冇“熊找”，經理一定心諗咁早叫紅酒係咪有啲高興嘢要慶祝。轉頭就攞咗支靚嘅紅酒嚟，成枱人靜哂定左三秒。我老豆再用佢啲潮州口音就話我想要“熊找”唔係要“熊找”。我個妹立即更正佢係要鳳爪。

Step：我係要“熊找”唔係要“熊找” 鬼知你噏乜

暴龍哥：係呀
呢個就叫做（消左音）佢就話唔好開名。細細個我阿妹做錯嘢，阿爸諗住打阿妹，都未打我阿妹就已經自己打自己，打到流鼻血之後將啲血Fing落到牆到。我阿爸嚇親。暴龍哥：梗係嚇親啦！我媽返到屋企見到成個空案現場咁樣，鬧到我老豆死狗咁。最後阿妹咩事都冇，無俾人鬧過就返咗入房。而啲鼻血就係我同我阿爸處理，依家都諗番起件事都好匪夷所思。

Step：嘩！好驚喎！

湘湘：用血嚟換唔俾人鬧

暴龍哥：你要打我嘛？好！我自己嚟！
好跟住呢個叫做Rainy Sakura。佢就話 Wee今次想投爸爸個爸爸，AKA即係我爺爺。暴龍哥：好似我哋好難先知佢係你爺爺。多謝你！好彩你講聲，唔係我哋搞錯晒。由細到大阿爺都好錫我同阿妹，成日買嘢食俾我哋。有次阿爺買咗桶嘢返嚟食，一返到嚟呢就問我同阿妹：「家姐阿妹食唔食乳頭？」我同我阿妹真係呆咗，以為阿爺買咗啲咩奇怪嘢返嚟俾我哋食，之後阿爺見我哋無乜反應就指住桶嘢講：「乳頭呀！乳頭好食！」果桶芋頭酥⋯⋯原來阿爺唔識廣東話嘅，芋頭嗰個芋字咁就用咗普通話芋嘅讀音嚟度讀，咁我同阿妹睇清楚個桶之後都笑到趴喺度嘅。

暴龍哥：食乳頭呀！

湘湘：仲要一桶咁多喎
呢位叫做PoyeeIris437，咁佢就話啦Wee唔記得幾歲啦，應該都係好細嘅，咁老豆教我哋三姊弟講「丟阿媽子Bag 銅銅鏗」客家話姐係小老母全句

暴龍哥：哦！子Bag！我知啦！
咁我哋唔係好明咩意思啦，但係覺得都好好聽，然後我哋三個手拖手喺條街度要一路跳一路丟阿媽子Bag 銅銅鏗。阿媽小到老豆反艇

暴龍哥：好溫馨呀都

湘湘：好好聽

暴龍哥：好好笑呀呢個，個老豆都係諗住小朋友學語言，一定學粗口先嘅，所以先教佢粗口。我覺得呢個好

湘湘：我鍾意呢個

暴龍哥：咦冇啦咁快嘅。嘩！咁今日呢啲真係精彩啦！

湘湘：係囉

暴龍哥：好啦今日我覺得呢個都幾好，我覺得爸爸可以再繼續，因為爸爸好似多啲笑料。即係起碼都有啲手拖手出嚟講粗口，即係起碼都有啲好啲溫馨嘅場面。好啦！今日嘅時間差唔多啦！OK咁我哋下次見 Bye Bye！