粉紅色Apple Watch？DJI Osmo Action 4 正式發表！Samsung Galaxy Ring｜8BitDo復古機械鍵盤｜廣東話【Price Weekly 178 】

距離 Apple 9 月發佈會淨翻一個月左右，呢幾個星期有關 Apple 新產品嘅傳聞都陸續有嚟。

呢幾日就有外媒報導，新一代嘅 Apple Watch Series 9，同傳聞中嘅 Ultra 2 會有新顏色揀。除咗現有嘅黑色，米色，銀色，同金、銀、石黑灰等等嘅不銹鋼系列顏色，消息指新一代嘅 Series 9 會推出粉紅色錶身。唔知喺咪 Apple 想趕上依家全城 Barbie 粉嘅潮流呢？

嚟到 Ultra 啦，彭博記者 Mark Gurman 就透露，Apple 喺設計上一代 Ultra 錶身個陣，就測試過用太空黑嘅鈦金屬錶身，但最後因為設計師唔太鍾意個設計就取消咗。外媒就相信呢隻太空黑好大機會喺嚟緊會岀嘅 Ultra 2 身上亮相。如果傳言屬實，相信大家好快就會喺下一個月嘅 Apple 發佈會見到兩款新一代嘅 Apple Watch 啦。

美國太空總署 NASA 最近宣佈，將會喺今年內推出免費、冇廣告嘅串流平台「NASA+」，Netflix 就用黎睇戲同電視劇啦。咁「NASA+」又有咩睇呢？喺官方嘅預告片上面，可以見到 NASA Talks、The Color of Space，同埋 NASA Explorer 呢啲原創節目，而內容亦都圍繞返太空相關嘅迷團或者知識。NASA+ 將會率先提供網頁版本，然後就會陸續推出 iOS 同 Android 嘅自家 apps。

DJI 終於喺幾日前推出咗佢第四代嘅運動相機 Osmo Action 4 啦。新機沿用同上代嘅機身設計，主要改變都喺翻內置硬件同軟件。而升級最大嘅賣點就喺佢嘅 sensor 啦，比起上一代 Action 3 嘅 Sensor，由 1/1.7 吋變大到 1/1.3 吋，大啲嘅感光元件意味住低光拍攝能力都會相對好啲。喺軟件方面，好多 Osmo Action 嘅用家都曾經抱怨過預設嘅 Denoise 有啲過火令到成像唔自然，依家新機可以比你調節成像嘅銳利度，同埋將 Denoise 功能較到無咁重手。除此之外，如果你係鍾意玩極限運動嘅朋友，想用佢嚟拍低上山下海嘅過程，DJI 喺 Action 4 亦都加入陀螺儀數據嘅輸出功能，比用家將 Footage import 落後製軟件，進一步穩定影片。

唔知大家又覺得新功能吸唔吸引呢？

啱啱做完兩部新摺機 Unpacked 嘅 Samsung 又有新野出。韓國媒體報導，三星智能戒指 Galaxy Ring 開發得 7788，今個月就會量產，等完成左 10 至 12 個月嘅醫療設備認證，希望可以趕喺下年發布。戒指嘅主要功能係利用感應器去收集用家身體數據。從 Twitter 流傳嘅構思圖睇到，戒指有半截手指咁闊，上面仲寫住有鏡頭，同埋有粒制。不過智能戒指其實都唔係啲咩新嘢，嚟自芬蘭品牌嘅 Oura Ring，一早已經出到第三代，主力提升睡眠質素，提供運動數據等。而之前冬奧自由式滑雪金牌得主谷愛凌都有用。

Meta 日前公佈將會喺下星期展示兩款搭載嶄新 VR 技術嘅原型機。第一部會展示嘅原型機喺 Butterscotch Varifocal，現今巿面上嘅 VR Headset 都喺採用固定焦距鏡片，有時用戶喺虛擬空間裏面睇近野嘅時候未必能夠睇得清楚，而呢部原型機用嘅喺 Butterscotch 可變焦距顯示技術，呢款種新技術喺用摩打嚟調節鏡片同芒之間嘅距離，等用戶喺虛擬空間裏面無論睇近嘢定喺遠嘢，都可以睇得好清楚。第二款原型機喺 Flamera，依家嘅混合實景 headset，例如 Apple Vision Pro 同 Quest Pro，普遍都存在 headset 外部鏡頭，同人眼視角有位置差距嘅問題，呢一款原型機就利用光場穿透技術，將多組鏡片同光圈放喺感測元件前面，嚟準確計算投射到人眼嘅外界影像，以達至無變型嘅穿透畫面。

大家喺 Social Media 上都逐漸趨向，鍾意 share 相同片多過文字，所以 WhatsApp 都加左一個新嘅功能，就係可以實時 send 短片。以後大家喺 WhatsApp 就可以好即時咁分享視覺上嘅內容比朋友。仲可以唔使每次都出去開返個相機，錄完先再入返去 WhatsApp send 條片。成個程序冇咁複雜之餘，亦唔再局限喺文字同聲音。官方話呢個功能預計喺未來幾個星期就會開放比所有用家。如果你好鍾意成日 send 片 share 比朋友嘅話，相信呢一個功能就好啱你。

AMD 最近就將 3D V-Cache 技術由 Desktop 帶落 Laptop，出咗一粒 Ryzen 9 7945HX3D。睇返官方資料，新 U 一樣係行 Zen 4 架構，有 16 核 32 線，Boost Clock 最高去到 5.4 GHz，而 L3 Cache 就有 128 MB。至於性能方面，AMD 就話佢比起之前嘅 7945HX 仲要勁多 15%。所以如無意外嘅話，佢將會成為遊戲性能最勁嘅 Laptop CPU。配備新 U 嘅 ROG Strix 17 X3D 預計會喺今個月 22 號上市。近排有興趣入手 Gaming Laptop 嘅朋友不妨留意下。

成日會岀好多得意配件嘅 8BitDo，早前就推出一款用紅白機做設計靈感嘅機械鍵盤。佢一共有 N Edition 同 Fami Edition 兩個版本可以揀。前者用咗白色同灰色，字體就用咗紅色，而後者就用咗白色同深紅色。除咗英文字母下面仲會有埋日文添。最特別嘅係有兩個好大粒嘅紅色圓形掣 Dual Super Buttons。佢嘅 switch 都喺 hot-swappable，亦都設有獨立嘅旋轉式音量制。望落去復古味相當濃厚。規格方面，佢支援藍牙 2.4GHz 無線連接，同 USB 有線連接。電池有 2000mAh，叉電 4 個鐘大約可以用到 200 個鐘。呢個 Keyboard 嘅售價係 $100 美金，而家喺 8BitDo 官網同 Amazon 已經有得預訂，預計 8 月 10 號會開始發貨。

今集 Price Weekly 又差不多，你們最喜歡期待邊件新 product 呢？歡迎在下面留言告訴我們，我們很快就會有新片跟大家見面，就快點 Subscribe 我哋嘅 channel，再按旁邊的鐘。