📱最危險的網絡挑戰，指甲銼磨牙？感冒藥煎雞？硬幣觸電？他們一直在玩命！｜格物冷知識｜格物致知

同你玩牙
自己喺屋企對住棚牙, 你可以刷, 你可以洗, 你可以撩, 試問你點估得到呢班人會玩牙?扮吸血鬼, 之前阿輝都試過, 戴錯咗Friend棚牙㗎啦. 而呢個DIY Vampire Fangs Challenge, 就真係自製 Vampire棚牙. 你睇下個鬼仔整尖塊假指甲, 再用強力膠水就咁黐上隻犬齒度. 不過有啲人黐咗上去, 就拔唔返出嚟, 真係多此一舉. 除咗 Friend棚牙, 除咗Friend磨牙, 呢個Tooth Feeling Challenge, 就係拎個指甲銼, 起勢磨平啲牙. 嘩,見到都牙冤啦. 咁樣做其實好傷牙嘅, 我哋聽聽呢個超級牙醫點樣講. 關於你嘅問題呢 其實手指腳指甲都係會再生嘅, 頭髮啦, 鬚啦, 頭髮唔知, 鬚都會再生嘅. 但係呢最主要嘅一樣嘢就係呢,牙齒 磨走咗就唔會再生㗎啦. 因為呢你如果會再生, 你就唔使磨牙啦, 係咪呀?

漏奶 有乜關係 我批 我批你個波
漏奶就係同呢一個Cereal Challenge有關係㗎啦. 此挑戰, 就係將粟米片倒入對方口中, 再倒入牛奶混合, 然後拎出匙羹進食. 期間, 含奶者不得漏奶噴奶, 否則挑戰失敗. (周星馳審死官片段)明解冇? 明解. 講一次嚟聽下. 即係呢一個係一個戇鳩Challenge,又嘥嘢又唔衛生. 分分鐘噌親呀仆街, 你不如喺佢口度篤埋凍檸茶阿笨.

雞全部都係雞
雞, 做雞有好多種方法, 廣東人做雞係有好多種方法嘅 .而外國人做雞, 就有一種另類嘅方法 ,就係藥雞. 呢一個Sleepy Chicken Challenge, 就係用一支叫做 Nikwell嘅感冒藥水, 嚟醃製雞肉再煎嚟食. 咁係咪好好味嘅呢? 佢老尾佢又唔係㗎喎. 難食都係其次呀, 呢塊雞分分鐘攞你命添呀. 根據FDA嘅一份報告, 藥雞煎煮過程會釋出高濃度嘅化學成分. 吸入過量嘅蒸氣, 係會令到內臟受損, 最嚴重嘅, 可能會致命添呀 .


遲奶 遲奶 遲奶 遲奶
外國有班人真係好鍾意廁奶廁奶廁奶嘅, 即係奶個廁所呀. 呢個所謂嘅Coronavirus Challenge,就係一班自以為好與眾不同嘅年輕人 喺度奶廁所板. 仲要唔單止喺屋企嗰個喎 ,公廁佢都奶埋喎. 喂唔好話武肺呀 你依家都唔會奶啦係咪呀? 佢廁所鬼唔污糟, 有大腸幹菌, 沙門氏菌,梳狀牙包幹菌等等, 唔死都係身殘呀. 但如果你硬係都要試下嘅話, 真係物競天擇, 你係要過身呀.

嗆粉
有冇試過食嘢啃親嗆到呢, 個喉嚨卡住卡住 ,咁樣好唔舒服㗎嘛. 而外國呢班人竟然係食粉嗆到喎. 講緊嘅就係呢個dry scoop challenge, 即係舀一殼健身粉, 一下啪入個口度, 咕一聲吞咗佢. 如果有食過太田胃散嘅朋友, 應該都試過呢種嗆粉嘅感覺㗎啦. 個喉嚨會張住張住, 好乾涸嘅. 而齋啪健身粉其實好危險嘅. 有專家指出健身粉含有大量嘅咖啡因, 一次過瞬間吸收有機會引發心臟病, 分分鐘猝死呀.

Decorate唇
嘩嘩嘩個個都Decorate個唇, 呢個Decoration究竟有咩用呢? 原來係Tape a mouth challenge呀. 呢班外國人黐住個唇, 話咁樣可以淨係用個鼻頭氣, 改善睡眠質素喎. 究竟係咪真係有用嘅呢? 我哋請嚟耳鼻喉科嘅醫生, 同大家講解一下. 瞓覺嘅時候呼吸上會有啲突發情況嘅, 可能你需要深呼吸下咁樣啦. 咁你封住個嘴呢, 就會有機會缺氧啦, 引致睡眠窒息嘅. 哦,原來係咁, 咁即係唔好立亂試啦.

溝true
嘩嘩嘩呢個Party咁奇怪嘅, 班後生仔個個揸住一大支嘢飲,究竟係咩嚟嘅呢?
哦原來佢哋係玩緊Borg Challenge. Broke 全寫就係Blac kout Rage Gallant , 即係令你暴斃嘅一加侖呀. 佢哋會將任何有酒精成份嘅飲品, 溝曬落呢個桶度. 儲夠一加侖就一齊挑戰清曬佢. 呢個就係佢哋嘅溝true啦. 不過呢個Challenge, 就引發咗一場集體酒精中毒事件. 今年三月, 美國麻省大學, 就係因為呢個挑戰搞到有五十個學生入咗醫院. 我就建議佢哋醫醫個腦先啦. 同樣嘅Challenge, 亦都有個飲水版本嘅. 叫做Water Tok. 即係將啲無嚟啦間嘅液體, 溝咗一加侖, 全日就係當水咁飲. 呢啲咩Culture嚟嘅呢.

傷椎人
呢個男人就傷咗條脊椎, 佢哋係玩緊Milk Crate Challenge, 即係將啲牛奶箱一個個搭起 整條樓梯出嚟, 然之後就挑戰上面行曬成條路. 唔好以為咁都好安全, 箱會郁嚟郁去, 箱又會追人, 人又會箱追. 咁可大可小, 分分鐘癱都似.

脷舞台
我哋睇Show, 成日都會有啲放煙嘅舞台效果嘅. 而呢個Dragon Breath Challenge 就係將呢啲舞台效果, 放入條利到. 佢哋會將啲用液態氮, 冷凍過嘅糖啪入口. 然之後條利舔動噴啲白煙出嚟, 就係佢哋所謂嘅Dragon's Breath. 不過呢啲液態氮嘅溫度, 可以低至負190度, 可以瞬間凍傷你條利. 時間耐, 甚至會令到肌肉壞死. 印尼今年就有超過20個細路哥, 因為食咗呢啲糖而凍傷內臟. 今次真係躺著也凍傷.

好啦 跟住落嚟要介紹嘅Challenge 就真係玩命, 甚至死過人添.大家自行斟酌觀看.
呢一班TikTok發燒友為咗View數, 連自己嘅屁股都燒埋. 呢一個就係Fire Challenge. 佢哋會將啲火水或者汽油倒喺自己嘅身上,然之後點火. 瘋一聲, 火迅速蔓延全身, 真係好危險嘅. 我哋聽聽呢個嚟自加州嘅消防隊隊長 Larry點樣講. 關於呢個實驗 我哋搵咗著名讀者林先生嘅一件T恤, 佢就講話呢件衫抵禦咗900度, 唔使開冷氣. 我哋而家就試下用火燒一燒呢件衫. 其實係著嘅,你睇下呢個儀器, 係證明咗已經一千度添. 大家千祈唔好試呢個實驗, 呢個挑戰死人㗎, 唔好呀. 另外仲有一個同樣係玩火嘅挑戰, 用易燃噴霧自製火焰. 呢個後生仔本來係一個美式足球員嚟嘅, 大好前度. 但係就係因為呢個挑戰, 搞到全身八成皮膚燒傷.

幣加火見
住呢班幣加火喺度玩 幣 加 火 真係幣加火啦今鋪. 呢個就係Penny Challenge, 佢哋嘅常識真係超越咗我嘅領域. 佢哋將個插鬚插到一半, 再拎個銀仔放入去. 個動機係咩呢? 就係挑戰一下個電掣有無電, 你話笑死唔笑死. 仲要喺學校度玩, 連校長都睇唔過眼. 咁呢 呢個遊戲呢就好危險㗎. 我打個比喻, 呢個插頭係我做緊家務嘅老婆; 呢個銀仔呢, 就係我行埋去問佢幾時開飯, 然之後就會 BOOM 我老婆就會炸型㗎啦, 唔好試, 千祈唔好試.

殺人犯
唔係打錯字 呢個Skull Breaker Challenge 我哋稱佢為殺人犯. 中間嗰個人 喺完全唔知情嘅情況之下, 隔離嗰兩條友就叫佢跳起身, 跟手嘅凌空一嘢Kick到佢反落地. 受害者完全反應唔切. 喺無保護嘅情況之下, 一係跌斷腰, 一係撞爆個頭. 隔離嗰兩條友, 就真係成為殺人犯. 呢個咁嘅Challenge 真係不知所謂. 你睇下呢個撚樣, 個Friend無曬反應, 佢老尾仲對住鏡頭笑嘅姐.

舀藥兒童
前一兩年 有一班細路都不約而同玩緊一個 Benadryl Challenge. 就係要做一個舀藥兒童, 成羹成羹咁樣, 舀起呢啲叫做 Venadryl 嘅藥丸, 互相挑戰食得多. 而Venadryl 本身係含有Diphenhydramine, 有抗敏感同埋鎮靜作用嘅. 一次過食咁多, 其實根本就係同食藥自殺無分別. 真係有小朋友玩呢個Challenge 玩到過咗身喇, 仲要唔止一個添. 唉.

都唔係路嘅
呢班友就真係唔係路喇,完全唔當條路係馬路. 佢哋玩緊呢個Chachaslide Challenge, 背景音樂播住一首叫做Cha cha slide嘅歌, 跟住個歌詞, 唱到Left就扭左軚; Right就扭右軚, 罔顧路面情況. 有啲直頭仲渣渣下行落車跟住首歌個Beat跳舞. 你睇下呢條友, 柒咗喇,上返架車喇. 你搞親自己都算啦, 分分鐘累埋街坊, 公眾地方嚟呀. 得你一架車咩? 大撚曬呀?
人暈亦暈
開頭都提過㗎喇, 呢一個咁嘅Blackout Challenge,喺過去18個月內, 就導致20個小朋友意外離世. 呢一個挑戰, 就係要睇下自己暈低之前, 可以幾耐唔抖氣. 所以就衍生咗好多玩法. 佢哋會用唔同嘅物件勒住自己, 例如頸巾, 手機線, 麻繩等等. 呢一個Challenge真係好危險, 因為你唔會知道自己嘅極限喺邊呀. 個腦部缺氧, 可能係下一秒就發生, 嗰陣時你已經無力去解開條繩喇. 另外,小朋友嘅行為其實好受成長環境影響嘅. 就好似呢一個12歲嘅阿根廷女仔, 佢喺學校長期受到欺凌, 有同學姐挑釁佢玩呢一個Challenge.
: 睇死你唔夠膽玩㗎啦, 無膽匪類.
呢個女仔為咗證明自己, 就直播玩呢一個Challenge, 最後大家眼白白睇住佢喪失自己嘅生命.

死亡天使
以下落嚟嘅呢條片, 可能會引起大家情緒不安. 唔想睇嘅,可以Skip咗佢 3 2 1
呢個Challenge 叫做Angel of Death, 真係一個純粹玩命嘅挑戰. 所謂嘅死亡天使, 就係你同死亡擦身而過嘅一刻. 玩家喺架大貨車差唔多開到過嚟嘅時候, 睇準時機跳出馬路, 然之後一剎那之間避開架車. 死唔死得嘅就睇你嘅命數啦, 但係就玩死嘅司機. 揸揸下車, 無啦啦要揹住條人命上身, 真係累幾累嘅,人 自私到暈.

嘩, 睇完呢啲片, 真係覺得呢個網絡世界實在太快啦. 直頭快到Skip咗教育, 直接係叫人實踐添呀. 呢啲挑戰, 之所以有人做,因為有好多人鍾意睇無人做嘅嘢吖嘛. 食飯就無人睇㗎啦 ,食屎一定好多人睇. 咁食飯定食屎呢? 你自己決定㗎啦.

嘔吐
關於抖音呢 ,阿輝都有啲經歷嘅.
你有無呀?
阿輝: 我無喎我都唔玩抖音嘅 .
咁關於挑戰你有無經歷呀?
有呀, 人生已經係一個挑戰呀. 出娘胎以嚟已經係一個挑戰呀.
咁講勾草係咪一個挑戰呀?
好大挑戰呀, 放過我啦.
唔知大家對於抖音仲有啲咩其他經歷呢歡迎係下面話俾阿輝聽, 等佢多啲經歷. Bye. 今集完. 支持我哋嘅創作嘅話 記得Comment Like Share 同埋Subscribe我哋啦 我哋下集再見 .