Samsung Unpacked新機全面流出、平價Vision Pro資料曝光、行貨Motorola Razr40 Ultra、華碩19款路由器安全漏洞｜廣東話【Price Weekly #172 】

另外兩部新摺機都會轉用Snapdragon 8 Gen 2 for Galaxy處理器。

除咗手機之外，新嘅Galaxy Watch 6都準備好，分別有兩個版本。Classic版有40mm同43mm，Watch 6版有44mm同47mm，全線嘅熒幕尺寸都會增加20％，邊框又減30％。Classic版就將一度消失咗嘅轉動式錶圈帶返畀用家，而Watch 6版就有5種顏色，分別係白、黃、紫、綠同灰。

因為歐盟嘅關係，黎緊嘅 iPhone 15 會轉用 Type C 插頭。不過睇黎佢地既要求仲未完，因為歐盟日前就以 587 票贊成 9 票反對嘅大比數通過新法規，要求所有喺歐盟地區發售嘅智能裝置，包括電話、平板及相機等，要喺簡易設計嘅情況下可以更換到電池。

呢個決定意味著各大品牌黎緊要喺歐盟國家出售產品就要再改埋電池設計。咁可能你會話，Apple 都有自助維修計劃 Self Service Repair。但本身新法則入面寫明係需要「簡易」地更換，而 Apple 呢個計劃暫時又只係支援某啲國家，仲要係有經驗嘅技術人員。Self-Repair Kits 嘅零件亦係逐樣揀完再計錢。所以 Apple 用呢個服務過唔過到歐盟就要睇到時講唔講得通嘞。

相關政策最早會喺 2027 年開始實施。Apple 月初發布嘅 Vision Pro 被譽為係混合實景 MR 行業嘅 Game changer，不過 3499 美金嘅售價就令唔少人卻步，連 Tim Cook 都話 Vision Pro 未必係一般人負擔得起。

其實喺未發表之前已經有消息指出蘋果一路都諗緊研發平價版嘅 Vision OS 裝置，最近仲拎埋一項專利，圖入面見到用家可以將 iPhone 或者 iPad 放入眼罩前面嘅插槽，當做 VR 眼鏡咁用。設計同市場上現有嘅 VR 眼罩差唔多，當然申請得專利就梗係有獨家技術啦。Apple 喺眼罩上配備偵測器，當感應到用家放入 iPhone 或 iPad 時，會自動同裝置無線連接。相關細節仲未公開，不過如果真係有平價 Vision Pro，買嚟玩吓都唔錯啵。

我地之前都有報導過嘅 Motorola 摺機 Razr 40 Ultra，終於都有行貨開賣，價錢都幾進取，開價 $7,999，會送埋 Moto Watch 70 智能手錶。而家已經可以預訂，最快下個月 7 號之後就可以收到機。

講返部機，最搶眼當然係個 3.6 吋外芒，就算唔打開部機都可以用黎玩下遊戲睇吓戲，體驗當然就無大芒咁舒服，所以佢個內芒就有 6.9 吋，想用大芒定細芒都有得揀，容量方面係 12+512GB。Razr 40 Ultra 嘅規格未算最 update，只係用緊 Snapdragon 8+ Gen1 處理器，同 Galaxy Z Flip 4 一樣。相機分別係 3200 萬像素、1300 萬像素同 1200 萬像素。唔知大家又覺得有無吸引力呢。

Panasonic 旗下音響品牌 Technics 早排出咗新嘅真無線耳機 EAH-AZ80 同升級版 EAH-AZ60Mk2。呢兩隻耳機近日終於係香港開賣喇。AZ80 官方定價 $2280，而 AZ60Mk2 就賣 $1880。AZ80 承傳 Technics 自家售價過萬嘅 ear mon TZ700 技術，選用 10mm 鋁製發聲單元，每邊有4個收音咪，提升聽歌降噪同通話質素，仲支援最多三點藍牙連接。想知多啲撳一撳右上角呢條link，睇返我地之前嘅介紹啦。AZ80 嘅 spec 相當出色，而定價 $2280 算得上相當進取，亦反映 Technics 進軍高階市場嘅決心。

Switch 開山作《1-2-Switch》終於有續集《Everybody 1-2-Switch》，今代最多支援連接八隻 Joy-Con，亦可以掃描 QR Code 將手機當做控制器，最多 100 人同時玩。為咗善用手機，遊戲種類都多咗唔少。好似 Color Shoot，就要玩家利用手機鏡頭影低畫面所顯示顏色嘅物件，影得愈多就愈高分。而「點菜便條」呢個 Game，玩家就可以喺手機上面 jot notes 記低唔同口味嘅雪糕 order。不過最開心嘅，莫過於互相對撼，《Everybody 1-2-Switch》就加入咗音樂椅、一二三紅綠燈同跳大繩，呢啲充滿童年回憶嘅遊戲，由系統判斷邊個最慢，以後去 party room 又多隻新 Game 同朋友一齊玩。新 Game 將會喺6 月30 日開賣，售價 $219。而家已經開始預訂喇。

德國寶前排出咗部即熱水機 IWD102，外形睇落就同一般即熱水機差唔多，不過最特別嘅地方就係佢用咗分拆式設計，即熱部分除咗可以駁住跟機黎既兩公升水箱之外，亦可以連接樽裝水或者桶裝水，而即熱部分機身重量只有 650g。只要摺埋個出水位帶埋條電線，就可以拎返公司或者其他地方用，都幾方便。功能方面有 1600W 加熱，7 段水溫同埋 2 段水量調較，機頂有 LED 顯示同輕觸式按鈕，方便調校溫度同出水量，跟機會送埋水管同水樽接口。價錢係 $899。

華碩日前針對旗下多款 router 嘅安全性問題，發布咗新嘅 firmware，並且呼籲用家盡快下載同安裝。而涉及嘅 router 型號，包括以下呢啲。

華碩表示今次嘅更新修補咗9個嚴重安全漏洞，包括 Asuswrt firmware 記憶體損壞缺陷。因為有機會被攻擊而觸發拒絕服務狀態，甚至可以執行程式碼。

廠方亦提醒用家，如果無更新 firmware，最好唔好用 WAN 住，以及 WIFI login 同 admin page 嘅密碼。最少用8位字元，加強安全性。