21/06 《圍爐取戀》夜場有真愛🍻？18歲仔落Club沉船25歲姐姐🫣

毛記電視 | 娛樂類 | Jul 3, 2023

此影片謄本由呀清＆見字飲水製作

★非作商業用途，本檔案版權歸版權持有人獨有★

Matthew：有一個大我七年嘅女朋友啦，就係落club嗰陣時識嘅。我就攞住支酒，佢就行咗過嚟，問裡面有冇酒，做啲親密動作咁樣。
Kneta：親密動作? 乜嘢親密動作?
Matthew：咪攬住錫、打茄輪嗰啲囉。
Kneta：咪住先，前後認識到發生隔咗幾耐?
Matthew：十分鐘
All：哇十分鐘！

Terry：Hello Hello 各位，大家好！見到這個組合我就諗起上次去蘭桂坊——可能有啲觀眾未睇《呢啲Lady》嘅，要睇返喇，因為我們上集就是四個女生加埋我去咗蘭桂坊。
Dickson：係，留低我嘛，我知道。
Kneta；你下次我一定帶你去你講就得。
Dickson：你係冇帶最需要去嗰個地方嘅人落去呀！
Terry：你有冇試過喺Club場遇過一啲愛情經歷？
Kneta：愛情經歷？我冇呢啲這些福分。當然要問一下Yvonne小朋友啦。
Yvonne：噉我就勁啦，因為《呢啲Lady》拍片嘅時候係我第一次去Club，我會好驚好緊張，因為環境好陌生，但係！有一個男仔好高，起碼係米9。
Kneta：你詰好靚仔，靚仔！好靚仔呀！
Dickson：唔係呀，你要記住，因為你係矮㗎，你嗰個未必是米9。
Terry：其實我拍落去差唔多高咋，矮我少少呀。
Yvonne：重頭戲嚟喇，佢過嚟請我飲酒，請我飲酒都算啦，跟住又問我攞IG ，都算啦，佢摸我個頭！
Kneta：係呀，我睇住㗎。

下載檔案

所有資料非作商業用途，若有內容侵權，請即通知我們移除。

Yvonne：除咗摸我個頭，仲要牽我的手。
Kneta：吓？！呢個冇人知喎！
Yvonne：冇影到呀！
Dickson：你將呢啲當作開心事，咪就係代表你入世未深囉。
Kneta：佢都係一個入世未深嘅小羔羊。
Terry：但我真係唔知道喎，我知道我會阻止喎。
Kneta：我知道我會偷拍呀。我淨係試過同一班friend落clu，去韓國。你知道韓國男仔比較高大威猛，我哋一去到已經被三四個大隻仔圍住我哋、捉住我哋唔俾我哋走。
Dickson：哇你哋唔驚？
Kneta：驚！我哋不斷想掙扎，但係佢攬到勁賓，突然之間、雷不及掩耳，佢哋又走咗。我心諗：吖又咁突然嘅？點知我個friend話：呀！我銀包唔見咗！咁樣之後…哦原來唔係艷遇，係被人偷嘢。
Terry：「喜愛文雀」
Kneta：我仲話我哋魅力沒法擋，去到外國都被人溝，原來唔係，係被人偷。
Terry：我聽講今日個case好似都係關落club事喎。
導演：係喇，今日個case就係講一個18歲男仔，喺club場識咗一個大佢7年嘅女仔，宜家遇到一啲問題，所以打嚟請教大家。
Terry：哦，唔係識咗你呀嘛？
Kneta：梗係唔係Yvonne，打上嚟叫Yvonne拯救佢呀，聽聽先！

Terry：Hello Matthew 你好
Matthew：Hello 主持大家好。
Terry：你把聲聽落有啲沉呀，好成熟，係咪真係18歲呀？
Dickson：我覺得佢似啱啱變聲仲未適應。
Matthew：真係18歲。
Terry：低音炮噉喎。
Kneta：佢講嘢有啲嗲嗲嗰啲呢，就感覺到佢係後生嘅。聽講你同你女朋友喺club場認識之後發生咗一啲問題，不如宜家慢慢話俾我哋知係咩事？
Matthew：我今年18歲啦，就有一個大我7年嘅女朋友。我哋台灣旅行時識嘅，喺落 Club 時識嘅。噉就返到嚟香港…
Terry：咪住先！唔好咁快返嚟香港先！
Kneta：我要喺台灣知多啲！
Terry：好勁喎，因為我聽你個case嘅時候已經覺得18歲認識到一個 25歲嘅姐姐，仲要喺個 Club 場度識！一晚咋喎！
Dickson：我問第一個問題先，你Yo佢定佢Yo你先？雖然我仲用緊個Yo字哈哈哈
Matthew：大家Yo大家。
All：哦~
Matthew：喺個Club度，大家跳緊舞，我就攞住支酒，佢就行過嚟，就問裡面有冇酒，所以我咪畀佢飲。
Terry：哇 Matthew你係咪米9高、六塊腹肌，然後超靚仔嗰啲？
Kneta：你係咪冇着衫去？
Matthew：我米7㗎咋。
Terry：噉你一定好靚仔係咪？
Matthew：唔靚仔唔靚仔，正常樣
Kneta：咁自卑？
Terry：謙虛啫。
Kneta：咁謙虛？
Dickson：唔係啊，好難㗎喎，因為突然之間有個女仔，學你話，喺嗰個Club 場係老手，一見到你就要埋嚟問你攞酒飲，攞你嗰支酒飲，唔係叫你請喎。
Terry：見到咩級數嘅男仔你先會咁主動？
Kneta：呃…李東旭！哈哈哈，你知邊個呀？唔知呢？總之係個好靚仔嘅男仔。噉佢問你攞完酒之後，你就俾佢飲？
Matthew：係，之後就傾計啦，因為嗰陣我開咗枱就有無限酒飲，跟住就傾計，做啲親密動作噉樣囉。
Kneta：親密動作？咩親密動作先？
Matthew：咪攬住錫、打茄輪嗰啲囉。
Kneta：咪住先，前後認識到發生隔咗幾耐？
Matthew：呃十分鐘。
Yvonne：哇十分鐘！
Kneta：埋枱、打茄輪。有啲料到啊Matthew你。
Matthew：跟住咪帶咗返我bnb度。
Kneta：做啲咩先？我要好Deep㗎。
Matthew：大家心知。
Terry：哦明白。結束之後，有冇第二朝掹住張被，跟住問我哋宜家係咩關係呀？有冇嗰一個moment先？
Matthew：Errr第二朝再做多次先。
Terry：哦啫係未一齊、冇講咩關係嘅？
Matthew：係。其實一直咁耐都冇講過大家係咩關係。
Kneta：Two times stand wor.
Matthew：第二日就出咗去一齊玩，雖然大家唔同friend。
Dickson：即係呢個Club情有延續落去嘅。
Matthew；嗰晚之後突然間沉咗船，可能好耐冇接觸過女仔？
Dickson：唔係，你講返先，我要知道你background，你之前有冇拍過拖？
Matthew：有。
Dickson：嗰陣時係咪啱啱分手嘅狀態？
Matthew：唔係，分咗手好耐。
Dickson：嗯 OK。第二日你哋去咗玩，噉然後點呢？
Matthew：佢就繼續留喺台灣玩，我就返咗香港先，之後我們都有繼續傾電話、WhatsApp。
Terry：其實係有感情㗎喎。
Kneta：未知㗎。Matthew可能有感情。
Terry：噉台灣嘅時候，你知唔知佢大過你七年？
Matthew：知呀，第二日就知，第一日唔知。
Dickson：佢知道你細佢七年之後，佢有冇咩反應同之前是好唔同呢？
Matthew：佢話我細路仔。
Kneta：講完你細路仔之後，佢繼續喺台灣玩㗎嘛，噉係咪因為知道咗年齡之後開始疏遠咗？
Matthew：佢一直有搵我WhatsApp傾計，跟住返嚟香港約咗一次出嚟食飯，即係冇話確認，大家就出街拖下手，追咗幾次就keep住噉樣囉。正常人哋拍拖之前，其中一個會表白嗰啲㗎嘛，但其實我哋係完全冇。
Kneta：即係正常拍拖係一定要確立關係。
Matthew：係，正常會㗎嘛，但係我哋冇囉
Terry：點樣覺得係同佢一齊呀？
Matthew：點樣去？就…嘩…
Dickson：你宜家有嘢隱瞞喎。
Kneta：佢容許你唔做安全措施，係真愛先會噉做嘅係咪？
Dickson：噉又太老實喇。
Matthew：之後冇喇，已經冇再做過。
Kneta：哦？暫時聽到你一開始是甜蜜㗎啦，宜家就好似有啲難關，噉你不如又講下你遇到嘅煩惱係咩先？
Matthew：其實問題就係，我從來喺佢嘅生活圈子出現過，即係佢嘅朋友、屋企人，或者社交媒體上，我都從來冇出現過，完全係零存在感。

Terry：類似地下情啦，我噉樣理解啦。
Mattew：即是正常你，即是大家拍緊拖，噉你都想會其他人知道，放下閃噉樣㗎嘛。
Kneta：你允許當初大家冇確立一段關係啦，噉但係而家你又會介意，佢唔同佢身邊啲朋友或者屋企人講你嘅存在，你有沒有跟佢講過呢件事先？
Mattew：我有講過，佢的回覆就是：「大家差太多......」
眾人：哦......
Mattew：真係唔想。
Terry：這就是你哋一路嘅狀態啦，現在呢？
Mattew：而家面對嘅係我哋拍咗一個多兩個月啦，但期間其實都是不斷鬧交（拍拖兩個月爭執不斷）。有時，即是佢係夜晚會出去玩嗰啲人，會經常單獨跟男生出去吃飯。而我，就是一個半宅男嚟嘅，有時我都會吃醋呀。想問一下就係，如果個女仔這樣，其實是不是應該讓她這樣做呀？
眾人：嗯......

Terry：這個是一個問題，係你地平時相處啦，我聽到就係話，因為你準備去外國讀書呀嘛。另外一個問題，都是不知道Long D點樣維繫，係咪呢？
事主提問：準備海外升學，不知如何維繫關係？
Mattew：Long D都是另一個大問題，就係佢其實已經係一個半放棄狀態，不停咁講，我地其實冇可能㗎，佢試過有一次同我講，如果我去咗加拿大讀書，佢鍾意咗第二個男仔嘅時候，都唔出奇囉。
專家Dickson：而家我就咁聽啦，其實你有四個問題，第一個問題就係，佢唔係很想公開你的存在。
（問題（一）：女方不願公開關係）
專家Dickson：第二個問題就是，你哋之間的年齡差。
（問題（二）：雙方年紀相差太多）
專家Dickson：第三個問題就係，佢經常去玩，你好冇安全感啦。
（問題（三）：事主沒有安全感）
專家Dickson：第四個問題，我都唔記得。
Terry：第四個問題，準備Long D。
（問題（四）：雙方準備分隔兩地）
Kneta：係呀，佢想放棄。
專家Dickson：係，係。

Kneta：但係Matthew，你是很想維持這段關係的？係咪先？
Mattew：好想呀。
Kneta：我問多一個問題！深入啲嘅！你跟那個女仔離開了台灣之後，還有沒有發生過身體接觸？即係性行為啦，直接啲。
Mattew：有一次佢完咗之後講，其實佢唔想。
Kneta：嗱，咁更加確立到喇，呢個女仔呢，可能第一眼對你嘅印象係非常之好啦，我都鍾意你啦，你個所有外表呀或者其他嘢呢。
專家Dickson：Body~
Kneta：係喇，個Body我都係鍾意嘅。
Terry：個vibe好好。

Kneta：係啦，第一晚唔知就_咗啦，第二日朝早都唔知，又_咗啦，但點知傾傾下偈，發現原來你係細佢七年嘅，佢就好似覺得，唔係好得喎，之後你所謂嗰啲咩吃不吃醋，其實就個個都會嘅，這些是一個小問題，但最足以影響到嗰個關係就是，其實佢根本就係介意你細過佢，佢都不想跟你一齊，你咁樣去講極，佢都不會聽入耳囉。
（Kneta認為：女方事後得知事主18歲，所以不想維持關係。）
Kneta：到第二個嗰個去外國問題啦，所有都係藉口嚟嘅啫，佢根本就落閘閘你，冇㗎喎，我覺得。
（遠距離難維繫只是借口？）
專家Dickson：你對這個女仔，你覺得你自己同佢，算不算係一個好Match嘅組合呀？
Mattew：認真講，其實應該唔係囉，我哋第一年紀唔同，我未出來做嘢，我都唔知做嘢嘅環境呀，壓力嗰啲呀，即係覺得自己其實都幫唔到佢，解決任何嘅問題啦。
（事主認為：自己年紀差距難以解決女方工作壓力）
Mattew：同埋大家嘅價值觀呀，所有嘢都唔一樣呀，又有不停嘅拗撬，所以令到她不開心，我都會諗，有時候就算你幾鍾意幾鍾意都好，其實放手都可能係一個最好嘅選擇。

Terry：咁作為一個25歲的女仔啦，佢同一個18歲的男仔拍拖啦，首先她會諗，你仲係讀緊書，拍咗四年之後，你先22歲，我已經29、30喇，咁如果我到時要同你，行落下一步，已經好難啦，可能要等到你26、27歲，你穩定啲先得。第二樣就係，就算佢同咗你一齊之後，點同屋企人交代呢？另外一樣就係，佢點樣面對啲朋友呢？嘩，你識咗個18歲嘅𡃁仔喎，即係咁樣，其實佢喺很多方面，都係面對緊壓力嘅，咁所以佢落閘呢，我理解到。
（Terry認為：女方因年齡差導致的各種壓力而想放棄）
Mattew：咁嚟緊呢兩個月之後，我就走去加拿大讀書囉，咁我就諗不如大家開開心心咁，拍埋呢兩個月拖就走......順其自然咁囉。
專家Dickson：即係留一段美好回憶囉，係咪呀？如果你話長遠發展呢，其實就應該好難，我覺得係唔得㗎喇，因為你哋大家都唔係大家想要嘅人呀。咁而個問題就係，係唔係，唔係長遠發展，就唔能夠留返段美好回憶呢？我覺得未必嘅。

Mattew（深呼吸）：唉~~~
Yvonne：哈哈哈，好頹喎。
Terry：你點諗先？呢一刻？
Mattew：Long D係冇可能成功囉，我覺得，因為自己都試過兩次定唔知三次，即係都係冇成功過，所以都其實已經係抱著呢個，零希望嘅心態咁樣。
Terry：其實我要講啲好嘅嘢呀，啱啱好似好傷感，其實佢真係鍾意你，只不過係現實嘅問題，如果佢唔鍾意你呀，完全沒有必要跟你相處落去。
（Terry認為：女方對事主動情但因現實問題而放棄）
Terry：即刻唔理你，佢真係內心對你動咗情，但係可惜現實上，因為距離、年紀，令佢覺得冇可能發展落去。
Kneta：但係我係黑暗面嚟嘅，我就反而覺得個女仔呢，會不會因為太尷尬，因為已經發展咗，之後突然間又話，你太細喇，走喇，拜拜，我就好似「𡁻完鬆」喇，所以就維持一個朋友嘅關係，我又唔同你一齊。

（Kneta認為：女方怕尷尬才維持朋友關係）
Terry：我不是這樣看。
專家Dickson：我也不是咁諗。我是相信人！
Kneta：女仔有時就......
Yvonne：男仔就係咁樣，咁容易以為女仔就係咁美好呀，咁善良，其實唔係。
Kneta：因為我哋唔想做衰人。
Yvonne：係呀。
專家Dickson：如果她為咗令到事主唔好太hurt，而又同佢繼續一直落去。
Kneta：做朋友咋喎，佢哋冇再做過啲咩喇。
Yvonne：個女仔知道會完㗎嘛。
Kneta：幾個月後佢就走喇，咁就冇人會再喺度追著我喇。
（Yvonne & Kneta認為：女方因得知時限後關係就可以結束）

Terry：唔係㗎！你太醜陋喇！
專家Dickson：我話俾你聽呀，我係過來人，所以我好清楚，如果佢唔想同你喺埋一起，即日就會消失㗎喇，邊會幫你諗咁多呀。
（Dickson反對：女方不喜歡會馬上落閘）
專家Dickson：所以其實佢對事主係有少少意思嘅......
Kneta：少少......少少都有嘅~
Mattew（深呼吸）
專家Dickson：唉~我明嘅。
Terry：明白你呢一刻好傷心，但係過多幾年之後呢，你會發覺這件事係值得寫落CV嘅！
Yvonne：哈哈。
Terry：因為追姐姐唔係咁容易，同埋呢雖然你呢一刻好唔開心啦，但你過到加拿大之後呢，加拿大個世界多姿多彩㗎嘛。
Yvonne：鬼妹呀。
Kneta：紙醉金迷呀。
專家Dickson：咁後生......
Terry：咁後生大把世界啦。
專家Dickson：同埋唔好咁多咦咦唉唉喇，開心啲啦。

Kneta：係囉，有得去加拿大喎！
Yvonne：18歲咋喎。
專家Dickson：咁後生。
Mattew：係！知道知道，收到收到。好啦，唔該曬，拜拜。
Kneta：拜拜Mattew。
專家Dickson：謝謝你分享，拜拜。
眾人：拜拜~
---
專家Dickson：唉我忽然之間覺得自己好似好衰咁。
Kneta：點解呀？我唔係衰啲咩？
專家Dickson（良心發現）：唔係，我好似一個阿叔呢，即譬如個小朋友喺度，對愛情有美好嘅憧憬咁樣，我好似不停喺到摑佢咁樣。
Yvonne：醒啦！
Terry：面對現實啦！
Kneta：我知道點解Dickson咁心痛，因為佢生得出事主喇，佢宜家當爸爸心態：嗱！衰仔！你唔應該咁樣！係咪呀？
專家Dickson：仲係一個溝唔到女嘅阿叔，不停咁摑你。
眾人：哈哈哈。
Terry：即係青春就係呢個樣（這就是青春！），佢18歲啫嘛，這個愛情觀就好合理、好純情，即係，嗱，問Yvonne一定明白。

Yvonne：我好明呀。
Kneta：哈哈哈。
Yvonne：好明，因為後生呢，就會對每一段感情都當是做最後一段，即係愛情故事咁樣，加上呢越崎嶇嘅感情路呢，我哋就越敢......
專家Dickson：越要舂入去呀！
Terry：越難越愛呀嘛。
Kneta：要轟轟烈烈。
Yvonne：係呀，我啲同齡嘅Friend，即係後生嗰啲，都係很多感情，都好多人反對嘅，說你不要跟他在一起啦，唔適合呀，嗰啲嘢呢，佢就越要舂埋去㗎，唔知點解㗎。可能呢啲就係青春囉。
專家Dickson：即係你自己都係咁㗎？
Yvonne：我一直都係咁呀！
Terry：所以我知有好多觀眾會諗，拍咗幾個月使乜咁？
Kneta：要生要死呀。
Terry：係呀，但係我想講，我18歲嗰陣時仲衰呀！
Kneta：係咩呀？講啦！講啦。
Terry：有機會，有機會再講。
專家Dickson：要聽你講情史喎！
（Terry搖頭）
Kneta：咁但係我都相信，慢慢拍多幾次拖都會好啲。

Terry：愛情要練習㗎嘛。
Kneta：姐姐，姐姐都是愛一個上一課呀，愛到宜家先可以修成正果呀。
Terry：18歲啫嘛，大把慢慢試多幾次囉。
專家Dickson：係。
Kneta：好啦，今集係咁多啦，下集見！
Yvonne：拜拜！