09/06 《圍爐取戀》20歲第三者出招搶走30歲男友！賤男：你係公廁！豬X😡🔥

阿儀:都搞到咁，我都冇得唔信啦?嗰陣我就問我個Ex，我話「你識唔識呢個女仔?你到底同呢個女仔係咩關係?」佢都係發脾氣啦，佢就話「點解你問完又問㗎?」
東方昇:嘩!
Dickson:咁都仲有得賴?
東方昇:證據確鑿
Kneta:講極都唔信?蠢女人!
東方昇:而家AI呀，你入啲Key Words呀就會整啲圖出嚟㗎喇，生成圖片呀!
阿儀:跟住然之後我就send咗佢哋嘅合照畀佢(Ex)啦，跟住佢就即刻收哂皮喇，佢就「。。。」咁樣答我，佢就死唔放棄啦，佢就話「唉，係我做錯咗，我唔應該拖住人哋咁耐，而家搞到你都知埋」
東方昇:嗯，佢就認喇開始
Dickson:鬧唔得就變跪地喇
阿儀:佢就話自己好後悔呀嗰啲啦，咁就一路都有挽回我啦，然之後我聽返佢講返個故仔，就係其實佢係喺IG度識咗呢個女仔啦，所以Dickson可以試下，係喇
Kneta:DM人試吓
阿儀:傾完之後，佢就食咗人哋隻「豬」啦，就唔小心搞大埋人哋個肚啦，就落埋仔啦
東方昇:而佢(第三者)就想爭呢個男人?即係爭你嗰時嘅現任
阿儀:係喇，我聽講呢，佢(第三者)就係差唔多10月或者11月嗰陣先知道原來佢係第三者囉。因為我嗰Ex嗰陣係30歲，個女仔得廿歲嘅啫。廿歲嘅𡃁妹咁做都好正常，即係好重報復心呀，一定要得到呢個男人呀。咁我聽完成個故仔，我就覺得我個Ex係個大仆X囉，因為佢同我一齊四年啦，其實佢有2年都同呢個女仔一齊囉
東方昇:哦，咁都唔知?
阿Bu:完全feel唔到呀你真係?
阿儀:因為我份工係好忙㗎，所以我完全係發覺唔到啦，同埋我係好信佢囉，我會覺得每個人都有私人空間㗎嘛，我唔會廿四小時check佢
東方昇:我覺得主要係阿儀太信佢呀。就算佢懷疑咗，佢問佢嘅男朋友，佢男朋友只要話冇呀，佢都會信。咁後尾點樣呢?
阿儀:後尾我就覺得好受打擊啦，因為一嚟係我同佢一齊都四年幾啦，咁嗰段時間其實我哋仲傾緊移民日本啦，咁其實淨係得佢識日文，我係唔識日文嘅，咁佢就話將我遺產嗰筆錢，不如拎去日本買樓啦
東方昇:即係佢知道你有筆遺產嘅錢?佢睺住你筆遺產嘅錢?
阿儀:可以咁講，啲Friend話係囉，事後分析返
眾人:嗯~
東方昇:或者我嘗試用一個仆X嘅思維去解讀啦
眾人:哈哈哈
東方昇:再澄清一次，我唔係啦。(以渣男思維去講)其實好簡單佢分得到，你咁聽話，又咁信佢，你梗係做正印啦。你做咗正印，結咗婚之後，我繼續可以偷食呀嘛。咁而佢分得到嗰個廿歲呢就係玩嘅，即使嗰個廿歲喺度搞風搞雨，但係佢都一定係箍住阿儀你先嘅。佢都真係仆X嚟㗎喇。
阿儀:佢係呀，佢都有同我講過話佢同嗰個𡃁妹只係玩玩吓，對我就係認真嘅，咁我哋都見哂家長囉，你唔係唔信我對你係真心呀嘛?咁嗰啲囉
東方昇:咁佢苦苦哀求，你有冇原諒佢呢?
阿儀:本身係有啲心軟嘅，但係就有一件事啟發咗我，因為我始終唔夠膽面對現實呀，我就問多次嗰個女仔嘅真身Account，就係話「我想問其實XXX係咪你男朋友呀?」，咁我就問咗呢句，我完全冇講到粗口嘅。咁然之後個𡃁妹呢就同我個Ex講，話我IG DM佢，講粗口鬧佢，然之後我Ex就黐咗線咁樣，之後佢就同我講，佢話「嗰𡃁妹同我講話你IG DM用粗口鬧佢，你憑咩呀?你個豬西!」
Kneta:嘩，黐線㗎!我鐘意鬧呀!我X佢!
阿儀:「如果唔係你咁肥，我都唔會出軌啦」跟住佢鬧咗我一大輪啦，我唔覆佢，佢都繼續追住我鬧啦
東方昇:仲要嗰時佢已經知道佢出軌啦，你已經鬧佢，佢氹返你，跟住你咁樣DM嗰個女仔，佢仲咁樣轉頭鬧返你?
阿儀:係呀，因為我同佢一齊嗰陣我唔係處啦，佢就話我憑咩鬧佢(第三者)，佢就話我係公廁
Kneta:黐線㗎!嘩!佢真係唔識分莊閒㗎!係咪個腦傻_咗?先同嗰個廿歲嗰個𡃁妹真係傻_埋一份呀
東方昇:第三者就投訴你用粗口鬧佢啦，咁你男朋友又用返粗口鬧你喎。我真係理解唔到呀
阿Bu:所以嗰個20歲嘅女仔，即係嗰個第三者同埋嗰個男仔咪好天生一對囉?咁其實你都應該多謝嗰個女仔喎，因為如果唔係個女仔咁努力呀，(K:咁黐線呀)咁癲咁樣同你滙報哂所有嘢，你都唔會相信喎
阿儀:係呀，真㗎，所以我到而家都仲好感謝佢，因為我同個Ex分咗手唔夠3個月啦，我就識咗而家呢個男朋友，同我一齊都已經2年。雖然好短時間啦，但係佢做咗好多嘢都叫治癒咗我。咁都真係想同啲觀眾講返，其實有時分咗手，未必你搵唔到另一個更加好個囉。我而家來講，其實我男朋友，大家都讚囉，無論係我屋企人呀，我朋友呀，都話佢又高啲啦、又靚仔啲啦、個人又純啲啦
東方昇:又唔偷食啦最緊要!最好啦!
Kneta:唔會鬧你公廁啦!
東方昇:恭起你啦，同埋真係大家聽到都要警惕吓，嗰一刻你遇到個渣男，或者好衰嘅男仔，其實真係要放手啦，其實係上天一個啓示嚟嘅。好，多謝你，Thank You!好，拜拜
阿儀:拜拜

東:聽完頭先個故事啦我想問你哋喇，如果有一日真係有個神秘嘅女人去DM你，話你個老公呀出櫃 (出櫃???)
眾人:出軌呀!
Kneta:出櫃?嗯?咁我尊重囉!
東方昇:話你老公出軌，咁你會唔會信呢?
Kneta:即係如果好似阿儀嗰個Case呢，其實我都係一個蠢女人嚟㗎，我會同佢做埋同一樣嘢㗎，我會問咗我男朋友先，或者問咗我老公先。因為我都係會覺得，係咪呃人㗎?或者係畀人玩?咁問咗我老公，睇吓佢咩反應，咩表情先。之後我再睇吓如果佢再DM我，我先會再問佢囉，但係我第一下唔會問
阿Bu:我反而會收埋喎，我會睇下嗰個女仔繼續講啲咩畀我知囉，因為如果我即刻同先生講嘅話咪打草驚蛇囉!如果係真嘅話，即係佢會更加容易收埋
東方昇:哦~好奸險呀!
Kneta:搵私家偵探跟佢!下次!
阿Bu:唔係咩?
東方昇:你咁樣講完之後，我即刻想用個新Account DM你老公
眾人:哈哈哈
東方昇:阿Bu呢排愁眉苦臉咁樣，因為你喺度懷疑佢
Kneta:我發覺到呢，喺呢個case，而家啲第3者好猖狂喎，但我都多謝佢哋喎。你覺唔覺得而家啲Case呢，啲第3者係好光明正大直入，唔知係咪睇得多韓劇啦
東方昇:我覺得係呀，即係變咗好似要爭取呀，幸福要自己爭取。但係頭先個case，如果我係阿儀，我會點做呢?佢咪話send床照呀嘛，我咪公開啲床照囉
Kneta:即係貼大字報!
東方昇:咪貼囉
阿Bu:好恐怖呀!
東方昇:佢竟然咁樣大我?你畀我，我咪分享畀大家
阿Bu:即係你廢事鬧
Kneta:大仆X!
東方昇:咪攬炒囉
Dickson:你要成為引爆核彈嘅人
東方昇:係呀，因為又唔係有我嘅床照，係佢咋嘛，咪同大家分享吓，咁佢就身敗名裂!
Kneta:大仆X!
阿Bu:我支持所有第3者呢要向嗰個正印報串囉，一定要做!
Kneta:係呀!我會多謝佢，我真係要多謝佢
阿Bu:同埋第三者你又可以坐正
東方昇:都其實係呀，所以鼓勵大家
阿Bu:鼓勵第三者一定要爆料
東方昇:出去攞返個名份
眾人:係呀!
Dickson:甚至可以向我哋呢度報料又得!
阿Bu:係呀!有裸照最好!
東方昇:我哋問返阿儀攞返張裸照先
Kneta:哈哈哈，我哋喺下面公開，喺會員制度入面
東方昇:好啦!差唔多!拜拜!