🇭🇰香港已消失的職業【下集】，介紹更多舊時獨特職業，榕樹下有講古佬？電車上面有收費員？｜格物冷知識｜格物致知

不過以前要冚一張好軟綿綿嘅棉胎，係要搵棉胎師傅嘅。皆因以前嘅年代，未有咁多機器設備，所有嘢都係由棉胎師傅一手一腳整出嚟，而個過程係有好多工序，由一舊舊嘅棉花，攤開佢，再用工具彈鬆啲棉花，彈完一層再到第二層，最後拉線定型，再將棉胎縫好。一張單人棉胎，就要用六斤嘅棉花，可想然之，整一張棉胎，係要用幾多心機。所以以前嗰班街坊，係好珍惜棉胎嘅，一張棉胎分分鐘冚成世人呀，所以佢哋每逢夏天就會好好收埋張棉胎，冬天先拎返出嚟。放咗咁耐，入面嗰啲棉花，就會積到一九九，呢個時候，就需要搵師傅安胎啦，即係彈鬆啲棉花，咁張被先可以繼續保暖嘅。真係唔屌唔鬆化，好似格物咁。

倒夜香，哈哈，而家香港有一個臭名遠播嘅職業，以前都有一個嘅，不過就淨係一陣味臭啫，而且係好受人敬重嘅，呢個職業就係倒夜香啦。我睇過廁所嗰集都知啦，由19世紀唔係已經發明咗抽水馬桶㗎啦咩，點解呢個時候嘅香港，有個職業係幫人倒屎呢？

嗰陣時住屋設備簡陋，抽水馬桶係未補給嘅，加上香港人口急劇膨脹，最直接嘅方法，就係儲埋佢一次過清啦。每一晚夜香工人就會擔住兩大個桶，逐級樓梯行上行落，沿途就會大嗌倒夜香，少啲中氣都唔得。班街坊聽到，就會係屋企攞個屎桶出嚟，畀佢哋清理啦。呢個行業好辛苦㗎，又臭又重，仲要冇假期呀，陰公打風落雨都要照倒呀，你諗下邊有一日冇人嘔屎㗎。

不過呢一行其實喺19世紀中期，係好有市場嘅。因為嗰陣時，珠三角洲一帶嘅絲綢行業好發達，所以就需要大量嘅糞便，嚟施肥、種桑樹、養蠶蟲，所以嗰陣時賣屎係好有商業價值㗎。呢行咁辛苦，唔係愛，唔係責任，係要搵食呀。

打耕佬，所謂打耕佬，即係一到夜晚，就會走出嚟打鑼打鼓同人報時，比著而家，唔係打耕佬呀，係打9個耕佬呀，夜媽媽嘈圈巴閉唔洗瞓咩。不過19世紀早期 呢個職業好重要嘅，因為嗰時嘅香港，就係一個漁港仔嚟嘅啫，夜晚經常有海賊出沒，撻野老笠，當時有班街坊都知㗎啦，有咩衣肉嗌救命呢，分分鐘要等足八個字先至會有人嚟現場嘅。為咗保護自己嘅身家性命財產，所以佢哋就夾錢，組織咗一隊治安隊，就係打耕佬啦。佢哋就好似一個有報時功能嘅保安咁樣，每晚巡下條村 提醒班街坊小心火燭，提防盜賊。每晚七點到凌晨三點，每隔兩個鐘就打一耕，所以就要有咁響得咁響，先至有阻嚇作用嘅。不過去到19世紀尾，呢個行業就消失咗啦。事源係一位失眠嘅副港督，炸晒型呀，呢個英國人叫做德忌粒，佢每日瞓覺嘅時間都係得幾粒鐘。仲瞓著無耐，就硬係有個人打耕嘈醒佢嘅嬲嬲地之下，於是乎就通過咗一項禁令，禁止夜晚打耕啦。

穩婆，而家啲女人一有咗呢，就會去婦產科照超聲波，聽classic歌，坐瑜伽波 ，仲睇埋產前輔導，問埋預產期幾多號，鋪埋個仔條後路。成個package係唔需要太擔心點生嘅，臨盆入醫院就搞掂。但以前生仔，其實係好危險嘅。19世紀嘅華人社會佢哋未接受西式醫學，頭暈身慶，都係執兩劑，自己搞掂嘅，生仔都一樣。班街坊係喺屋企自己處理，不過風險咁高，就需要一個有經驗嘅人士接生，呢個就係穩婆啦。廣東地區亦都叫做執媽，或者執仔婆，即係而家嘅助產士。不過呢啲穩婆，係無受過專業訓練嘅，係用民間智慧同埋經驗去接生。

有趣嘅係，政府亦都有mark埋穩婆個名，落出世紙嗰度。呢張50年代嘅出世紙，寫住嘅midwife就係穩婆啦，落埋credit，仲有地址，有咩事都可以刮返個料友出嚟。

起行先，嘩啦嘩啦。以前維港仲未係咁細嘅時候，班街坊出出入入都好興搭船嘅，唔係而家嗰啲天星小輪，而係一款叫做嘩啦嘩啦嘅船仔。呢隻船大約6米長，可以坐到20個人左右佢無甲板嘅，一行入去就係船嘅內籠嚟㗎啦。雖然速度唔係好快 ，但係就係20世紀初期，班街坊過海嘅重要交通工具啦。至於點解叫嘩啦嘩啦嘅呢，因為啲人話開船嗰陣時，個引擎聲加埋啲水聲，走似嘩啦嘩啦咁樣呀，你哋聽下係咪啦。嘩！爭好遠喎大佬，應該係，達達達達達達達咁㗎喎。

電車售票員。而家無論搭咩交通工具，有一張八達通就四通八達啦，唔係買緊廣告，我係想講以前搭電梯係要，唔係sorry xdd 搭電車係要買飛嘅。1904年香港第一架電車正式投入服務，嘩，計計成120年歷史都嚟緊呀。電車一開波係售票制嘅，所以車入面就動咗兩個售票員，分別負責上下兩層嘅售票工作。估下嗰陣時一張飛幾錢，咁就要睇下你係華人定係西人啦。早期係分咗頭等同埋三等兩款車嘅，呢一款全開放式嘅，就係三等車，成為五仙；而呢一款中間有個車廂嘅，就係頭等車啦，成為一毫子嗰陣時華人就淨係準坐三等車嘅啫。頭等就留返畀啲鬼佬坐啦。哦！歧視！所以去到1946年，佢哋就無再咁分啦。

佢哋用咗70年嘅時間，終於裝返個錢箱上去。去到1976年，電車公司唔再請售票員啦。打後就好似而家咁樣，落車畀個錢就搞掂。

人力車夫。而家搭的士呢，啲的士佬成日都話唔過海嘅，有啲人就覺得好唔合理，但係以前嘅的士佬呢，係真係過唔到海嘅，因為佢哋係人力車夫呀，點過海呀大佬呀！個個都耶穌咩！

人力車夫係日本傳過嚟嘅，本身嘅design係黃色嘅，所以又叫做黃包車。佢喺1883年正式成為，香港合法交通工具。去到1920年代，全盛時期，就有成3000人喺條街度全街大奔走。而佢哋主要係集中係中環一帶，因為出入中環嘅人，都係非富則貴，咁就可以搏佢哋比多啲貼士，拉得咁辛苦。嗰陣時拉住個人跑成點五公里，都係收咗兩三毫子呀，陰公。

而最後一代人力車夫洪生，亦都喺2021年退役啦。因為佢話佢年事已高呀，再加上疫情同埋黑暴，好影響佢生意喎～阻住曬～咁又係嘅～啲黑色暴雨好鬼麻煩～整濕架車咁樣～濕咗人哋點做生意呢～好緊要㗎嘛～收成期嚟㗎嘛～ （張家輝電影：「淨係呢條已經係死罪啦！阿sir唔使講！我一定幫你拉佢返嚟！」

巡城馬。而家送貨一個app咩都幫你送到啦，傢俬電器呀，植物動物呀，只要有單，就唔會托手肘。但係其實呢個概念喺百九幾年前已經有㗎啦。呢個職業叫做巡城馬，唔係一隻馬嚟嘅，係一個人嚟嘅，佢係負責送信，加速遞加尋親，因為佢哋成日喺城裏面跑嚟跑去，所以就俾人叫做巡城馬啦。呢個職業最早喺清末時期出現，嗰陣時戰亂頻繁啲信就成日寄到半路，就俾人炸咗，所以就好需要一班好新手嘅醒目仔，遊走各地，將客戶嘅信件，親手交畀收件人，確保一定收到啦。以前香港嘅巡城馬，主要係集中喺中上環一帶，佢哋under一種叫做書信館嘅舖頭，呢一度會提供寫信同埋寄信嘅服務 。呢班巡城馬，就會第一時間，純熟迅速送出，純熟迅速送出啦，（麥兜媽媽：小心跟媽媽講一次，郵差叔叔送信純熟送出。）客戶仲可以揀即刻畀錢或者係到付添，即係十足宜家嗰啲app咁呀。佢哋仲有一個好特別嘅服務，就係送人呀。嗰陣時廣東一帶，好多人落嚟香港搵食嘅，做耐咗，就想接埋老婆仔女嚟生活。於是就會搵巡城馬，幫拖帶路送佢哋落嚟費事人生路不熟，危險呀嘛。

職業特工。所謂有求就有工，啲人有需求啦，就自然會產生一份工啦。就好似早兩年嗰啲探熱佬咁樣啦，大眾好需要求個安心，所以佢哋就出嚟嘟人個頭啦而以前嘅年代。班街坊都有佢哋嘅特別需要嘅，依家落嚟，我哋就會講下舊時有啲咩特工，即係特別嗰啲工呀。

始祖谷阿莫。依家喺YouTube，成日都會見到一啲「一口氣看完系列」，一輪咀又噏哂成個故事出嚟，有啲仲要hea到，就咁用把Siri聲讀出嚟添。不過以前有個職業，直頭真係喺戲院即場旁述話比你知嘅，佢哋就係「電影解話佬」啦。而三十年代嘅電影，好多都係外國默劇，就算有字幕，當時班街坊大部分都唔識字，喺度拗哂頭。電影解話佬，就係負責職場講述劇情啦。佢哋首先會自己睇完套戲，然之後繪形繪聲咁樣演繹返出嚟，甚至乎一啲拳擊聲、格劍聲，佢哋亦都會用道具輔助，總之就係要令觀眾睇得更加有feel。

粒粒街辛苦。二戰之後，香港仲未流行打字機嗰陣時呢，要趕住去印刷，就真係會想打自己，因為嗰陣時係用一種叫做「活字印刷嘅技術」去印嘢嘅，嘩～你睇下幾麻煩，成千上萬隻字，逐隻搵返出嚟，再排返做一句句，所以當時嘅印刷舖，有個職業就係執字粒。佢哋仲會做埋排版、校對，係要好謹慎嘅，因為少少過錯，就要再印過㗎啦。呢個咁花功夫嘅活字印刷，整一份簡單嘅宣傳單張，就要成5-7日。喺50年代高峰嗰陣，中上環就有超過200間嘅活字印刷公司，加上當時識字嘅人唔多，所以執字粒呢個崗位，就好搶手啦，無論係兼職定係全職，都照殺佢，就連文學泰斗 倪匡先生都做過添。

榕樹頭老高。而家 YouTube界首席講故佬，就係老高啦，佢講故事嘅直情舒服到，比阿力譽為佢係網絡界首席催眠師。但係老高只係喺老婆隔離講故嘅啫，而呢一個職業就喺榕樹下面講故事啦，佢哋就係講故佬。眾所周知，油麻地天后廟面前係有個空地嘅，嗰度有好多棵大榕樹。上世紀20年代，嗰度有好多人喺度賣藝、賣舞、算命、唱歌同埋講故。以前冇乜嘢娛樂，一班街坊食飽飯無嘢做就會落嚟呢度打燈啦。嗰陣時嘅講故佬，通常都係喺前面擺五十零張凳，坐低聽佢哋講嘅話呢，就要比一兩仙。如果唔想比錢，企喺側邊聽都得嘅，好casual嘅啫。而呢一班講故佬，主要係會講述一下，武俠小說、都市傳聞同埋民間故事，仲會用風趣幽默嘅形式嚟做包裝，吸引多啲觀眾課金聽落去。例如呢位著名嘅講故佬，李我先生，佢嘅開場白，係咁嘅，我個花名叫Youme，不過唔好叫咗我做「你我」喎，仲有呀，「李」係讀「理」嘅，唔係「你」呀，而「我」係讀「我」嘅，唔係「鵝」呀。 讀錯咗，就梗係冇聽過我講故啦。其實讀成咁係唔緊要嘅，唔好諗下播音界發展咁就得㗎啦。你睇下以前，講故咋，啲讀音幾咁準，而家呀。

小心地滑。依家電影出Poster做宣傳好易嘅啫，大把嘢畀你參考呀。但係以前未興電腦嘅年代，係要好小心咁樣人手畫出嚟嘅。呢個職業，就係海報畫師啦。帶大家睇下七八十年代，香港電影Poster佢哋嘅風格，主要係用Q版漫畫嘅Style 畫返主角嘅大頭出嚟，每一筆每一畫，都係心機同埋誠意呀。你唔好以為啲Poster 就係局限於A3 A4 B1 B2呢啲Size喎，佢老味你成幅牆咁大喎，6米乘15米成幅都係人手畫出嚟嘅。嗰陣時後啲畫師會帶住幾個徒弟，將咁大幅嘅Poster分做幾個部分，每人畫一部份，咁樣畫出嚟嘅，真係万奪天工嘅。呢度仲可以講個Fun Fact嘅，以前有新戲上，就要掛呢啲咁大幅嘅畫上去做宣傳啦，所以而家成日講嘅新戲上畫，就係咁解啦。

勾草。關於呢啲香港以前嘅職業呢，阿輝都經歷嘅，不如讓大家講下嚟。得啦得啦得啦。今次我係返嗰啲雜貨舖，有一次有對母女就走入嚟，個女呢就行過嗰啲寵物用品嗰啲嘢，媽咪我想食呢個咁樣，咁阿媽又話：「吓唔係畀人食㗎喎」咁樣，但係個女又係咁扭計，阿媽就焗住買咗，就應酬佢啦。喂咁，第二日返工呢，個媽又出現返，拎住包狗糧佢就話：「喂你有冇搞錯呀，咁而家個女食咗啦咁點算呀？！你當我個女係狗呀咁樣！」我又抵唔住勁我就話：「吓，上面包裝都寫明，對人體無害。」咁然之後，佢又反駁我：「咁你食呀咁樣！」咁我即刻二話不說，我即刻拎咗個狗出嚟巴口度啫喇。然之後佢突然間笑笑口，佢喺袋度拎咗一包貓食嘅濕糧出嚟...跟住我企咗喺度。自此之後，我就冇再返過呢份工啦。做咩都好，都同自己講，我做到嘅，唔知關於呢啲香港以前嘅職業大家有啲咩經驗呢？ 歡迎下面留言話俾我地知，今集完。支持我哋嘅創作嘅話，記得Comment Like Share 同埋Subscribe我哋啦！我哋下集再見 ！