WWDC23懶人包｜ 震撼性新眼罩VisionPro現身｜15吋MacBook Air｜M2 Ultra MacPro、Mac Studio｜全線新OS｜廣東話【Price.com.hk 產品情報】

畀 Tim Cook 當作 One More Thing全新 VR 裝置 Vision Pro就擺係壓軸登場!知道大家好心急，我地一齊去睇吓實物，見到擺左好多部 Vision Pro 實物，但係眼看手勿動!全部唔畀拎上手試玩，雖然係咁，其實都見到呢部 Vision Pro 都算係幾輕巧!透視鏡部分都幾大，完全用盡晒前面既位置。雖然睇唔到佢播緊啲乜，但從外面睇就見到一啲光影之類郁下郁下，睇返個keynote，應該係當個眼罩工作緊既時候，外間所見到嘅效果就係咁樣。而個眼罩位都相當之深，估計冚得都幾實，可以遮擋到絕大部分嘅外來光線，令個視覺效果更加之好。咁頭帶位置就係用左編織布物料，兩邊鏡臂微微突起個位就係喇叭。另外部機係要連接外置電池雖然唔算好大舊，不過續航力只得兩個鐘，唔算太長。而且電上面見到usbc差位，唔知可唔可以一路差電一路用。

講返多少少規格先，蘋果就話顯示部分用左弧型 micro OLED有2300萬像素，每隻眼既像素比 4K 仲高，而 Vision Pro 既運算就係由 M2，同全新 R1 芯片一齊負責。機身有 12 個cam、5個傳感器、6個收音咪，操作系統叫做 visionOS，個介面同 iOS 都幾似。可以喺視覺範圍之內開幾多個app都無問題，當然仲有沉浸式打機同睇戲。大家亦都唔使擔心無 APP 用，因為所有 iPhone 同 iPad App都會支援到 Vision Pro。蘋果仲特別講用左全新既 Optic ID 認證，用眼去解鎖，甚至可以黎Apple Pay。另外 Vision Pro 既操作方式，亦都主要係用雙眼、雙手同埋語音操作，所以同其他 VR 裝置唔同，Vision Pro 係無任何手掣跟。如果想用黎玩 Facetime，首先用 Vision Pro Scan 左自己個樣先，然後系統就會自動整個虛擬的你出黎，咁就可以靠佢黎同其他人 Facetime。價錢方面就要 3499 美元，出年先開始賣。

睇完 Vision Pro，我哋就翻嚟睇其他新產品，好耐都無 update 嘅Mac Pro。外形都係其次，即刻同大家睇吓規格，用咗咁耐 Intel，終於用翻自家 M2 Ultra 晶片，配備 24 核心 CPU，RAM 打爆最多可以去到 192GB。為左增加擴充性，仲預留左 6 條 PCIe Gen 4 插槽比用家。Apple就話整體性能比上代 Mac Pro 快3倍，比起 Intel Mac Pro 仲快成 7 倍，唔單止可以同時駁 6 個 Pro Display 芒，仲能夠同時處理 22 條 8K 影片。機背插位就有 6 個 thunderbolt 4，2 個 HDMI 同 USB。直機箱價錢由 55999 元起，橫機箱就 59999 元起。已經可以上網訂機，最快 21 號收到機，MacBook Air 終於都有 15 吋。正確啲嚟講，其實佢係15.3吋，5mm 屏幕邊框，厚度只有11.5mm，大約重 1.5kg。規格方面用咗 M2 晶片都唔算令人太意外，同 13 吋一樣都係有 8 核心 CPU、10 核心 GPU，仲有支援空間音訊嘅 6喇叭 3個收音咪，支援 1080p web cam。例牌都要講吓快過之前幾多，官方話整體性能比 Intel i7 快兩倍，續航力有 18 個鐘頭，價錢由 $10499 起(港幣）有午夜暗、星光色、太空灰、銀色4隻色可以揀。而家賣緊嘅 M2 版13吋亦即時減至 8999 元起。

新款 Mac Studio 分別有M2 MAX 同 M2 Ultra 晶片2個版本。先講最勁嘅 M2 Ultra 晶片，簡單啲講佢嘅性能表現就係幾乎所有野都係 M2 Max 嘅兩倍，核心規格同新款 Mac Pro 一樣。最高為 24 核心 CPU、 76 核心 GPU，同埋頻寬達到 800GB/s 嘅，192GB DDR5 記憶體可以同時播 3 條 8K片。而 M2 MAX 版本就有 12 核心 CPU、38 核心 GPU，頻寬達到 400GB/s的。96GB DDR5 記憶體比上代 Mac Studio 快 50%，兩個 SPEC 喺機身前面插位上都有啲唔同。Ultra 版有兩個 Thunderbolt 4，Max 版就得兩個USBC，不過機背就大家都一樣，有 Thunderbolt 4Display Port、USB 4 同 USB 3.1，仲有 HDMI、10GB Ethernet 等等...新 Mac Studio 無論係記憶體定核心數目都比之前多，主要升級都集中係效能表現上。經過今次，更新之後，Mac機全面步入 Apple Silicon 年代，Ultra 同 Max 價錢分別係 32999 元起，同 16499 元起。官網已經有得訂，最快下星期13號有機。

轉睇下軟件，首先係 iOS 17，今次主要更新分三部分，包括contact、應用同傳輸。首先，contact 呢部分就加入了contact Poster，用家可以用相或者虛擬人物set 做來電畫面，FaceTime 加入「Live Voice」。當有人留voice mail，會即時轉成文字顯示，用家可以睇到係邊個留言而決定聽唔聽，系統仲識分係唔係廣告voice mail，自動幫你過濾。

新既 Check In 報平安功能，預先set定到屋企時間，返到屋企就check in。指定聯絡人就會收到通知，如果無聲氣嘅話，系統就會自動分享位置、手機電量等資訊畀指定聯絡人。除咗原生 App 有更新，另外亦有新App 「Journal 」，會幫你整合手機唔同app上嘅活動，例如你去過咩地方、影過咩相、聽過咩歌等等...然後建議畀用家用黎製作自家日記，之後仲有StandBy，即係Apple Watch 既時鐘模式，iPhone 係鎖定畫面，可以顯示時間、日期、溫度、鬧鐘等等...又或者當做電子相架同埋床頭鐘不過呢個功能只限於有AoD 嘅 iPhone 14 Pro 系列。另外叫咗好多年嘅 Hey Siri，終於都要改口啦，宜家只要叫 Siri就識得接收連續指令。AirDrop 就加入新的 NameDrop，只要將兩部 iPhone 或者 Apple Watch，放埋一齊就可以即時交換卡片。而map方面，Google Maps 係幾年前已經有嘅離線地圖，而家 Apple 地圖都做到喇，之後就到 iPadOS 17。今次主打個人化設計，Widgets、Lockscreen、Health係更新咗之後就可以係iPad到用啦!對 iPhone 用家黎講相信已經睇慣睇熟。另外亦都加強讀寫 PDF 功能，透過全新的 Machine Learning，可以識別 PDF 入面嘅輸入欄直接編輯。如果大家需要填表格就啱矖啦，以後唔使將啲 File 轉嚟轉去，仲可以用apple pencil 簽名。而除咗電子 PDF之外，用相機掃描嘅表格亦可用到呢個功能。而 App 嘅更新重點就擺咗喺Notes到，Notes可以配合Apple pencil用，而且仲有 Collaborator 功能。大家可以同朋友互相 share file，同時一齊係上面工作。另外上年新出嘅 Stage Manager同 Freeform都有更新，唔算有太大改動新 macOS 個名叫做 Sonoma，可以同 iPhone share widgets。針對 online meeting 功能，除咗可以係會議到用AR功能，仲可以將人像背景分離，而且仲有新 Filter 支援第三方 App。睇黎新晶片快咗，自信心都多咗，新系統特別強調打機效能，仲搵埋小島秀夫站台講 《death stranding director’s cut》。另外新加入遊戲模式，官方指操控同音訊都有降低延遲時間。特別一提係screen saver，多咗香港維港風景，好有親切感。

至於WatchOS 10，多咗2個錶盤俾你揀，其中一個係好多人都鍾意既 snoopy。今次健康方面就集中心理方面，可以係 App 到紀錄日常情緒之外，仲有測試去幫用家分析心理健康狀態。另外仲有眼睛健康，統計日頭留在室外時間，又利用鏡頭分析小朋友同屏幕嘅觀看距離，避免近視。運動功能就加強單車運動、行山同打高爾夫嘅數據。新tvOS最實用嘅功能係唔見左apple tv remote嘅話可以用 iPhone 幫手搵，同埋可以經 iphone 或者 ipad駁埋 Apple tv 用電視玩 Facetime。另外仲有用相做 screen saver，估唔到 airpods 都有更新，就係多咗自適應降噪
即係聽緊歌既時候有人同你講野識得自動細聲，講電話會自動加強降噪。另外將會推出 AirPlay in Hotel，可以喺酒店房部電視睇返追開既劇，聽開既歌，只要掃個QR就可以connect到，年底就會係合作酒店推出。