【直播精華#91】QR code落單 & 人與人的距離

四哥：其實佢唔會特登叫你㗎喎，即係你入到去你見到，佢寫住，喂小二
Alex：佢以為嗰個係安心出行呀
豬文： 邊L個7頭發明？即係由邊度開始，香港以前冇呀！係呢半年勁L多，勁多 QR Code，做咩啫，你……有個人……同佢講一句-雲吞麵。我要Scan個code ，開你個網頁，跟住再撳撳撳。做乜野啫？我講句雲吞麵三個字有幾多難呀
四哥：佢請少個人，請少D人你知唔知呀， 即係呢， 我唔係贊成呢一樣野，但係你從營商嘅角度呢，其實好可以理解㗎喎，佢請少多人㗎喎
豬文：唔係呀，跟住最尾又要問，點用呀， 點解你冇呢個餸呀，跟住又唔可以（直接）講呀，點解我⋯⋯對住你呀，落咪落囉！邊L個餐廳用QR Code食屎呀！ 齊柏林唔係㗎嘛。
四哥：佢係咪反智呢，我覺得可以討論嘅，但係你起碼明白佢個用意呀。即係佢好唔好，我覺得另一回事嚟㗎。當然你最好梗係有專人服侍嘅，我覺得係，即係我去到，你問我你有咩呀？我唔想睇餐牌你話我聽有咩呀？你讀出嚟呀，跟住我要呢樣呢樣有冇呀？我要嗰樣嘢你冇呀？我要五成熟咁，即係任你講梗係最好啦呢一個係。但係個成本問題，我會覺得就係，即係呢，當然呢度涉及好多嘢嘅，佢請少啲人係咪一件好事？呢度另一樣嘢。同埋你話佢煩咁，你都要睇餐牌㗎嘛，係咪？ 咁佢將個餐牌變咗喺你個電話度啫，咁你都要睇㗎，即係係咪煩咗咁多呢？
Alex：同成本我覺得一定係嘅，譬如話我當你個system係幾萬啦，應該未洗 ，幾萬先算。 講真幾萬蚊，其實你一個月， 侍應人工都萬零蚊，其實佢只要兩三個月就 回番本
四哥： 係㗎，所以個趨勢，呢個局住一定係咁呀，你見唔見到McDonald已經變哂呀
豬文：即係 快餐就唔同喎我覺得
頌頌：有室友話應該用Voice Message 落單喎
全部人：哈哈哈哈哈
四哥：我覺得可以討論嘅呢一樣。即係呢我心目中嘅理想社會係點樣呢？就係好多嘢轉做機器代勞呀，然後呢人力就可以，就可以休閒啲，我理想社會係咁。但係我哋個社會有好多人力代勞之後呢，只不過係將啲錢代咗落啲資本家嘅袋嘅啫。所以呢，呢個就係我哋點樣運用我哋嘅科技，我哋能唔能夠令到好多人都享用到科技帶畀我哋嘅成果囉，咁囉。咁未必得㗎呢一樣嘢，如果得，我樂於見到呢一件事發生㗎喎
豬文：我都有反省係咪我廢，我廢佬未習慣。但我呢一刻我真係接受唔到，即係我一去到啲餐廳叫用QR Code落單，我真係好憎
四哥：走囉即刻
豬文：我真係想呀
Alex：但係坦白講，而家一定從個人角度一定唔鍾意㗎啦，即係我覺得呢
豬文：唔係呀有啲人撐㗎，有啲人覺得OK㗎
Alex：點解呀，即係唔想
四哥：好毒嗰啲囉
豬文：咩呀
Alex：即係小巴， 小巴唔想嗌有落嗰啲囉，
四哥：唔夠膽叫，唔敢叫
豬文：點解會咁
四哥：唔係呀，你唔係點解，點解會中咗啫？但係我，我對呢啲餐廳有個要求囉，即係你喺呢度慳咗人力嘅話，你要提升返嗰個服務質素囉。如果唔係我畀嗰舊錢，你只不過係，只不過係你賺多咗，咁我就唔係好順氣囉
豬文：呢一個係我都覺得個交流，即係坦白講，我自己
Alex：同埋冇咁方便嘅肯定
豬文：我自己雖然係一個H人啦，即係唔想同啲小學同學同埋啲小學嘅老母打招呼啦
，但我同啲侍應係ok囉
Alex： 你啲小學同學連QR code都不如喎
四哥：但係呢，但係你會唔會覺得如果個侍應認得你係好煩呀？我都唔鍾意架呢個，佢懶醒 -唏， 凍奶茶！係咪呢？ 同你好熟咩？
豬文： 你仲H過我
四哥：唔係嘅， 我覺得佢想整一個熟客思維去留住你，但係佢唔知係我身上係唔work囉。我試過去快餐店定係乜鬼嘢呢，佢嗰陣時有個policy呀，好多年前架啦，佢改咗嗰句口號呀，你一見見呢佢竟然係問你-你今日食乜嘢呀？咁樣。有冇呢個經驗呀？好多年前架啦
頌頌：今晚食乜餸我有時會問
四哥：吓，咁好笑嘅？
Alex：即係懶係親切咁
四哥：我覺得係呀，跟住我有個衝動就係話-食班琴日嗰啲囉！即係你好似……
豬文：你懶熟呀嘛？
四哥： 係呀，我要琴日嗰個！即係你又整個假象出嚟，呢啲我唔鍾意囉。另外就係如果你熟咗嘅餐廳我覺得有少少煩喎，即係如果佢想同你傾計
Alex：睇人囉但係我覺得，有啲人會好enjoy嘅。但係有時食飯係，即係純粹想自己
四哥：我係架
Alex：或者私人空間抖下
豬文：但係我唔知點解因為我都幾常自己一個食飯嘅，咁我覺得落單果陣，即係有個人問食咩呀，跟住同佢講嗰個感覺我覺得成件事人啲囉，好老土嘅
四哥：如果去到呢一種我係ok嘅
豬文：但係呢我已經自己食飯 跟住對住個QR code 。即係快餐店ok囉，可能真係習慣嚟嘅，講到尾
四哥：但係如果佢去到我嗰個位呢？
豬文：如果嗰啲扮熟就⋯⋯
四哥：嘩！咁耐都冇嚟呀！咁樣，佢真係咁樣呀！跟住我以後都冇去喇。
豬文：但係去到呢D位呢，你應該真係同佢幾熟㗎喎
四哥：唔係好熟㗎，我去過幾次㗎咋，跟住
頌頌：你係咪每次都咁凍奶茶先
四哥：唔係呀，我就衰嘅有一次我真係帶咗本書去睇
Alex：去茶餐廳睇呀？
四哥：唔係，因為嗰陣時準備莊梅岩嗰個talk呢，跟住我睇佢個劇本，我食飯拎埋佢啦，跟住呢第二次去，跟住已經話-今日唔睇書啦？咁樣，哎呀大佬，呀即係呢啲我唔鍾意囉，你唔好認得我啦
頌頌： 我就一時時咋喎，我睇下我有咩social mode囉，即係譬如嗰日食嗰個罐湯搞呢 個老闆娘有同我傾計，即係佢上個罐湯搞嗰時都話小心啲呀，最值錢係呢啲湯咁樣呀 ，即係我昨晚就開始熬啦
豬文：我就係鍾意呢啲囉， 之後我就會—哇你真係熬㗎？哇點熬呀？我慢慢啜啦！即係我鍾意呢啲囉， 跟住一句起兩句止咁樣
頌頌： 呢啲我幾enjoy嘅
豬文：即係我覺得成個用餐經驗， 係愉快囉
Alex：同埋有時同啲嬸嬸呢，傾計呢，講一兩句
頌頌： 鹽叔好鍾意撩呢啲人呀你唔覺得
Alex：我都鍾意架喎
豬文：佢再誇啲嘅
頌頌： 佢好誇嘅
Alex：好搞笑呀我覺得佢哋啲反應
頌頌： 係呀，我都覺得好正嘅
Alex：你令我想起之前，你應該有睇過達哥有個，有段片吖嘛，講以前佢咩做餐飲經驗，跟住有個侍應逼過阿伯食咖哩
頌頌：咖哩魚飯吖嘛記得啦！ 後尾個阿伯 好似係鍾意食咖哩 豬扒飯吖嘅，侍應就話 喂今日啲魚靚喎，唔好食豬飯
Alex：係咁逼佢要食，最後咪嗌咗，之後第二日就冇再嚟啦
四哥：呢個重慶森林嚟㗎喎，炸魚薯條，叫佢食下乜嘢話，唔記得咗。佢日日叫廚師沙律，日日都叫廚師沙律，試下第二樣啦！咁樣跟住其實梁朝偉係買外賣畀佢女朋友食嘅，跟住第二日去就係—掂呢？ 即係個老細同佢講 —掂呢？跟住炸魚薯條掂呢？跟住，唔係呀，今日唔洗啦，比杯齋啡我啦，分唔咗手啦！
梁朝偉（重慶森林）：咁呀係嘅， 宵夜都咁多選擇啦，何況男朋友
四哥：好正呀佢呢D
頌頌：但四哥你似係會enjoy呢啲對話喎你
四哥：其實我ok㗎，即係我都鍾意，我一來鍾意偷聽人講嘢嘅，我真係好有呢鋪癮㗎喎，即係呢
頌頌：你唔止偷聽人啦
豬文：你唔知偷聽，偷睇人啦
四哥：唔係偷睇呀，我想知道下
豬文： 個世界呀嘛
四哥： 係呀，跟住聽佢哋幾過癮嘅，跟住呢，答嘴通常係點呢，答嘴通常唔係我一個人㗎，答嘴呢通常係我同另一啲人食飯，跟住可能我講啲大聲啦，跟住講啲topic又 即係我好鍾意講啲好離經叛道嘅啲嘢啦，跟住啲人就忍唔住答嘴嘅。
頌頌：講啲咩呀
豬文： 咁犀利嘅
四哥：真係㗎喎
豬文：我想跟你食飯
Alex：講啲離經叛道嘅嘢
豬文：我同你食過咁多次飯， 未遇到……
頌頌：四哥嗰啲唔睇得㗎
豬文：你講到你講啲嘢有趣到吸引到周遭嘅人咁勁， 你講到好似好勁喎，即係所有人都想同你傾偈嘅
四哥：咁又唔係話非常多
豬文： 我未遇過喎，你咁勁㗎
四哥：又唔係話非常多，又唔係非常多
豬文：你講嘢咁好笑
Alex： 唔怪得知你去嗰度會請你飲酒啦
四哥：係㗎，佢真係請我飲酒㗎
Alex：你講啲咩離經叛道嘅嘢
四哥：嗰個又冇嘅
頌頌： 佢話佢去咗Alex推薦嗰間餐廳
四哥：嗰個老闆好好人呀
Alex：個老闆未試過主動請我飲酒喎
四哥：你主動佢可唔可以請我飲酒？
Alex： 咁又冇嘅，我去咗幾次都冇喎 ，你哩一次就成功
四哥：所以你話我Enjoy唔Enjoy呢？我ok嘅，但係呢我唔Enjoy嗰個係咩呢，如果嗰個係我會行常見到嘅，即係譬如我成日去嗰間嘢，嗰條友識我嘅話，我就唔鍾意啦。佢，我覺得有少少監視我嘅感覺
豬文：即係你淨係鍾意偷睇人，唔鍾意人哋睇返你
四哥： 唔係呀，好煩嘅，你唔使返工㗎咩？即係佢哋會有呢啲疑問呀！
豬文：哦呢個都係一樣啦，我唔想同啲小學同學交流係因為我唔想解釋呀！我哋而家做緊嘢又好難解釋，即係⋯⋯我仲讀緊書㗎，淨係呢樣嘢都好難解釋㗎，你明唔明呀？
四哥：我明呀
豬文：唶係佢哋會好驚訝㗎，即係因為佢代入「你同我同年㗎喎」「 你同我小學同一班㗎喎」「 我都幾十歲呀，你仲讀緊書」。所以我覺得我冇矛盾嘅，即係我唔鍾意呢啲，因為我要交代。 但係侍應嗰啲，咪講下個 灌湯餃啲湯咋嘛，即係嗲兩句我ok 囉
Alex：要坐好耐咩？食餐飯啫，點解問你使唔使返工呀？
四哥：咁可能我又nice嘅，即係基本上我都會，雖然我個心唔鍾意，但係我都會表現出嚟，我都會答佢，答得好好嘅。即係我唔會令佢難受嘅。但係我想澄清先，即係我最近去屋企附近一間嘢呢，跟住佢室友嚟嘅原來
Alex： 吓，佢係老細嚟㗎
四哥：跟住我驚佢誤會，應該係老細啦我估。跟住佢好熱情呀，講咗兩句咁樣。跟住我咪自己食囉，跟住食完咪同佢再講兩句咪走囉，佢真係冇煩我喎完全係，我覺得幾好喎，呢種係幾好喎
豬文：即係距離囉
四哥：即係佢識得睇囉， 喺呢個時候識得睇你
豬文：拿捏距離囉，我就H啲囉，don’t f with me man.