Samsung Galaxy S23 Ultra現奇怪倒影、Apple Watch研監測血糖技術、Sony降噪頭戴耳機配旗艦級V1晶片｜廣東話【Price Weekly #155 2023年2月】

Price.com.hk 香港格價網 | 科技類 | Feb 27, 2023

此影片謄本由阿晨製作

★非作商業用途，本檔案版權歸版權持有人獨有★

歡迎收看Price Weekly，我們一起看看今個星期最熱門的科技新聞。如果不想錯過我們的新片，就快點Subscribe Price youtube channel，再按旁邊的鐘。

Samsung 機王Galaxy S23系列早前正式派貨，相信唔少人都已經拎咗機。不過有好多用家就喺網上反映，S23 Ultra 嘅熒幕邊沿會出現奇怪嘅反光同埋倒影，睇落好似熒幕變形咁，懷疑熒幕質素有問題，情況唔單止喺香港有，甚至世界各地都有發生。其實呢個情況，並唔係 S23 Ultra 先至出現，上年 S22 推出嘅時候已經有，只係可能當時嘅個案無而家咁多，所以大家未必有印象。而當時 Samsung 亦已經就呢個情況發出聲明，話係因為熒幕係由多層元件組成，包括表面鋼化玻璃、防塵、防水層等等，所以喺強光照射之下，某啲角度可能會睇到光線折射後嘅線條，仲話係屬於正常現象，叫用家唔使擔心，大家又接唔接受呢個解釋呢？歡迎留言分享下。

下載檔案

所有資料非作商業用途，若有內容侵權，請即通知我們移除。

Apple Watch 近來都有唔少新聞，不過唔係傳新錶推出時間，而係有關佢嘅健康監測功能。有指蘋果喺無創血糖測量技術有重大進展，並且進入概念驗證階段，呢個技術係利用激光射入皮膚當中，監測血管有無泄漏出可以畀葡萄糖吸收嘅物質，再將得到嘅數據傳送並分析，從而得到血糖數值。據知呢個技術嘅原型機，目前都好似 iPhone 咁大部，要做到可以擺得入手錶之中，仍然需要時間。如果成功嘅話，以後唔使再督手指，都可以量度到用家嘅血糖指數。

另一單關於 Apple Watch 嘅新聞，就係佢嘅血氧功能。喺上個月嘅專利官司之中，被裁定侵犯 Masimo公司嘅血氧專利，另外上年 12 月Apple Watch 亦俾ITC國際貿易委員會指控侵犯 AliveCor 公司嘅心電圖專利，蘋果一樣都係敗訴。根據 ITC 嘅指引，案件會轉交比美國總統拜登做最終審查，審查結果日前亦都出爐，就係拜登已經確認 ITC 嘅裁決，代表 AliveCor 得到終極勝訴，暫時未知蘋果會有乜野行動，最嚴重就係Apple Watch要喺美國停售。

Sony Headphone除左佢地嘅招牌WH1000XM5之外，唔玩LDAC嘅話，佢地旗下都仲有好多價位比較親民嘅選擇，就好似WH-CH710N。呢排就推出左新一代 WH-CH720N，機身有黑白藍，3月3號日本上市，定價22,000 YEN即係1200蚊港紙左右。WH-CH720N機身重量由上代223g減到去192g，之前蛋白質皮耳罩也換為光滑新材質，提升耐用度同減少對耳朵擠壓，而因為用旗艦機一樣嘅 V1 晶片，所以做到低延遲降噪處理，同埋有DSEE音訊強化技術等等，要留意WH-CH720N 只會支援 SBC 與 AAC，但就有360 Reality Audio 認證，多點連接同語音助手功能。續航力方面，開啟降噪約提供 35 小時電力，關閉後達 50 小時。

為運動用戶而設嘅Beats Fit Pro，呢款耳機都出左成年幾，到而家都仲有新色。前排Apple網頁公佈左要推多 3 款全新顏色，分別為珊瑚粉、螢光黃和海浪藍，加埋之前嘅經典黑紅、Beats 白色、紫石晶色和鼠尾草灰，終於集齊咁7彩顏色，可能真係俾大家買嚟襯衫。規格配置方面沒有任何改變，亦沒有價格上的變動，Apple 官網售價依然是 HK$1,749，唔知大家最鐘意邊隻色，歡迎留言講下。

再講多一單關於耳機嘅消息，上年先推出嘅蘋果 AirPods Pro 2，外形同第一代無太大分別，不過最近就有新版本嘅相片流出，見到用咗全新嘅設計。今次嘅資料係嚟自蘋果之前，提交比世界智慧財產權組織 WIPO 嘅一項專利申請文件叫做 Pair of Earphones。雖然無講到新耳機有乜嘢新功能，但係見到耳柄部分變成微微彎曲，同上兩代直身嘅設計有啲唔同，而係耳機內外都有多個收音咪，相信係用黎做降噪。睇返呢兩代嘅 AirPods Pro 推出時間都相隔 3 年，唔知今次第三代會唔會提早登場。

自從蘋果將旗下 Mac 機轉用自家 M 系列處理器之後，就無再提供 Boot Camp畀用家安裝 Windows 系統入 Mac 機，不過用家都可以利用 Parallels Desktop，喺 Mac 機以虛擬方式執行 Windows 系統。而日前微軟就宣布正式授權畀 parallels Desktop 18，可以將 ARM 版本嘅Windows 11 Pro 同 Enterprise 系統，安裝喺蘋果 M1 同 M2 處理器嘅Mac 機同 MacBook 入面。不過呢個安裝方式都係有啲限制嘅，例如 32Bit 嘅 ARM 程式會用唔到，同埋要求最少 DirectX 12或者 OpenGL3.3 嘅遊戲亦都會用唔到。雖然係咁，但係今次Parallels Desktop得到微軟官方認可，相信喺支援方面比之前更加好。

Qualcomm 為流動裝置而設嘅Snapdragon 8 Gen2 處理器上年 11 月先至發表，而近期用呢粒新 U 嘅手機亦都陸續上市。不過近排就有消息，指 Qualcomm 打算提前發表Snapdragon 8 Gen 3 處理器，有別於過往會推出 plus 版本嘅做法。外界估計最大原因係因為蘋果將會喺新一代嘅 iPhone 15，採用全新 3 納米製程嘅 A17 處理器。另外，亦因為 Samsung Galaxy S23 系列已經用咗超頻版嘅Snapdragon 8 Gen2，所以 Qualcomm 覺得無必要再推出 plus 版本，索性直接加快研發 Snapdragon 8 Gen3，預計今年底會發表，而明年嘅 S24 系列相信都會用超頻版嘅新 U。

2007年1月9日初代8GB iphone係美國面世，當時售價599美元。16年之後拍賣行LCG Auctions在網站公布，2023年2月19號未拆封嘅初代iPhone，底價由2500美元開始競投，期間共有27次出價，最後確定以63,356美元賣出，折合近50萬港元，升值咗成100倍，成為目前為止，成交價最高的初代iPhone。呢部iphone嘅主人就話，係當年朋友祝佢工作順利而送俾佢嘅禮物，但個時佢有新電話，又不想為用iPhone而轉換電訊商，所以一直無打開，咁就擺係櫃上面12年。直至她2019年佢見到估價師，指佢部iPhone值5,000美元，加上早前見到同一拍賣網上，售出初代iPhone以39,339美元成交，她便認為是時候把她的iPhone出售，幫佢嘅紋身工作室提供營運資金。