二戰士兵因為長官一個特別命令 竟在小島人間蒸發 卻不知道30年前戰爭已結束｜原子檔案

正當小野田到呢個島嘅時候，日本喺太平洋嘅戰線已經處於下風。當時，團長派小野田率領部屬係島上面展開遊擊戰。仲對佢講咗一番說話命令佢絕對唔能夠「玉碎」，即係自盡。團長指出「玉碎係咩都做唔到」，我哋而家暫時撤退，你哋都林間進行遊擊戰，三年或者五年之後，我哋將會返反嚟，你一定堅持到我哋返嚟，喺期間淨返一個人嘅話就，算食椰子都要抵抗。」小野田同佢嘅戰友將呢段說話嘅喺腦海中，堅守係盧邦島執行任務。但係1945年2月28日，美軍喺菲律賓擊敗日軍，仲登陸咗勞邦島，島上嘅日軍同美軍展開激戰，結果日軍不敵大量傷亡，島上嘅日軍指揮官下令撤退，只留返一支小部隊留守。呢支小部隊包括咗小野田，仲有伍長島田莊一，上等兵小塚金七，一等兵尺津勇一，佢哋按照命令，試圖摧毀盧邦島機場嘅跑道同埋停機坪以及港口碼頭，另外，佢哋又計劃攻擊任何試圖降落機同埋機組人員。但係佢哋寡不敵眾，冇辦法完成呢啲任務，一行四人只好呢入森林，繼續同美軍進行游擊戰。雖然佢哋係島上頑強咁同美軍作戰，但係佢哋始終冇辦法等到日軍戰扭轉敗局。而係半年之後，即係1945年8月，美國分別喺日本嘅廣島長崎投下兩枚原子彈，逼使日本無條件向同盟國投降，而歷時六年嘅第二次世界大戰亦隨之結束。但係，小野田就唔願意投降。

日本正式投降之後，美軍派日本嘅降軍到太平洋各島勸降，仲投放咗大量有關日本已經投降嘅傳單，但係小野田等人就應為呢個係美軍嘅欺騙戰術，佢哋深信日本唔會戰敗，於是佢哋繼續堅守戰線，等待日軍返嚟同佢哋會合。而之後嘅日子小野田同三名嘅同伴喺森林上過住非常艱苦嘅生活，佢哋每朝清晨都會爬上山岡，對住東升嘅太陽敬禮，為咗充饑，佢哋多次偷竊地居民嘅農作物，將香蕉曬乾之後保存當作乾糧。佢哋為咗能夠食肉，又會捕獵居民嘅家禽。除咗搶奪當地人嘅資源之外，佢哋會喺森林入面嘅河邊飲水，將雨水貯起解渴。有時佢哋會去森林獵殺動物，為咗填肚，連蜥蜴都唔放過，而由於打獵嘅時候槍聲容易引起居民嘅注意，所以佢哋就不斷轉移陣地，仲埋咗好多地雷以免敵人來襲。無論去邊度地方，佢哋都會手持步槍隨時準備戰鬥，佢哋甚至多次襲擊軍車，槍殺司機，甚至係村落射殺當地農民。喺冬天嘅時候，佢哋仲要盡量保持清醒，以免係瞓覺嘅時候因為體溫過低而死亡。另外為咗保持清潔，佢哋只會係夜晚打水擦身。而由於唔能夠到醫院求醫，佢哋必須努力保持身體健康。有一次，小野田患左扁桃腺炎，就以鹽同水當做藥水。呢種野外求生嘅日子維持咗四年，但終於係1950年出現變化。

係1950年6月，小隊中其中一人，一等兵赤津勇一忍受唔到惡劣嘅環境同埋身心煎熬，獨自離隊向菲律賓警察投降，自此菲律賓警方同美軍掌握咗其餘三個人嘅身份。於是，美軍就安排離隊嘅赤津勇一同埋三個人嘅家屬協助勤降。仲係島上面播出家人勸降嘅聲音，但係小野田等人認為勸降嘅人唔係佢哋真正嘅家人，只係美軍模仿家人嘅口音。之後日本嘅搜索隊亦唻到咗島上尋找佢哋，不過小野田應為佢哋係敵人嘅俘虜，而佢見到自己家庭成員嘅照片都認為係偽造嘅。喺兩年之後，菲律賓政府請小野田家人撰寫家書，做張家書連同日本當時嘅報章空頭喺叢林中，希望透過呢啲資訊，令三個人都知道戰爭早已結束，但係小野田認為如果日本真係投降嘅話，長官一定會親口話畀佢哋聽任務取消而，且報章上嘅日本現代化照片，更加令佢深信日本根本冇戰敗反而日漸強大。佢認為「嗰啲投下嘅傳單充滿錯誤，我判斷嗰啲係美國人嘅陰謀」。而係1953年5月，三個人更加向係森林搜索佢哋嘅菲律賓軍隊發動襲擊，更加搶去咗對方嘅武器。不過係一年之後，三個人再次同軍隊爆發槍戰，但呢一次，小隊中其中一人身中多槍死亡。之後島上面只係淨返小野田同埋小塚金七，係呢個時候，菲律賓警方得知對方再有一人身亡之後，就加強勸降行動。佢哋唔單止唔投放更多新傳單，更加派搜索隊攞住廣播器係森林入面大聲咁講「小野田、小塚，戰爭已經結束咗啦！」但係佢哋依舊認為呢啲係美軍嘅謊言，加上佢哋發現附近嘅美軍空軍基地，有頻繁嘅擊戰機升降，佢哋認為日軍再次喺南太平洋展開攻擊，正係努力咁同美軍空戰，仲準備登陸盧邦島。但事實上，美軍係第二次世界大戰之後，喺短短五至十年之後就展開咗韓戰同埋越戰，所以戰機先不斷往返基地。但係呢啲眼前的一切都令小野田活喺佢所建構嘅虛構世界之中。

喺往後嘅日子，菲律賓軍隊多次嘗試圍剿佢哋但係仍然畀佢逃脫。而直到1972年，喺呢個時候距離日本投降已經二十七年，當時兩個人一個山坡放火燒稻草堆，引起咗附近居民嘅注意。居民報警之後，三名菲律賓警察隨即趕到現場，仲爆發咗激烈嘅槍戰，係過程中，小塚金七身中多槍身亡，自此，小野田就失去咗所有同伴，孤身一人。而當小塚金七嘅死訊傳出之後，就引起咗日本政府嘅高度重視，日本政府意識到原來仲有殘兵散佈喺唔同嘅地方，於是就派人到緬甸、馬來西亞、菲律賓等地尋找殘兵。當中有人唻到咗盧邦島尋找小野田，仲留低咗報紙、雜誌，仲有啱啱離世嘅小塚喺日本喪禮嘅消息，但就算小野田洗去咗所有同伴，佢仍然堅持唔投降。

如是者，佢係島上面獨自生活咗18個月，但後來因為一個人嘅出現，令佢終於返返現實。係1974年2月，佢係森林入面見到一個標誌著日本國旗嘅帳篷。佢走近帳篷，遇上一個叫做鈴木紀夫嘅日本探險家，鈴木紀夫表示，戰爭早已經喺差唔多30年前結束。但小野田一如以往咁充滿著介心，佢表示必須有長官嘅命令先願意投降，同時佢要將保存多年嘅軍刀交畀天王。於是鈴木紀夫為對方影咗張相，然後就返返日本。佢幾經波折，終於喺日本搵到小野田當年嘅長官- 谷口義美，原來谷口義美都係戰爭結束之後冇幾耐就從事書商，佢得知道小野田嘅嘢之後，就寫咗一份《谷口少佐受降手諭》命令小野田解除武裝。而係1974年3月9日，鈴木紀夫帶同谷口義美一齊重返盧邦島。當小野田見到
長官之後，終於相信日本早已經投降戰，爭一早已經結束。當時佢著住殘破嘅軍服離開森林，唻到咗菲律賓警局，佢向日本旗致敬，並交出佢嘅武士刀同埋放低一支步槍，仲講：「我係陸軍少尉小野田寬郎，我奉上級命令向你哋投降」。而歷時29年嘅對抗亦終於畫上句號。

根據菲律賓嘅統計，小野田等人喺盧邦島嘅29年唻，總共造成咗130名以上嘅菲律賓人死傷。除咗少數軍人、警察之外，仲有大量平民。曾經有農民描述可怕嘅情景，「有一個身體係一個地方被發現，而頭就係另一個地方」」，所以當時有唔少菲律賓人都主張將小野田困入監獄。但當佢投降之後，菲律賓就舉辦咗一個受降儀式，一名菲律賓空軍司令，喺空軍雷達基地接受佢嘅投降。而且有菲律賓軍人夾道歡迎，揮手致敬。最終，喺日本政府斡旋下，菲律賓獨裁總統向小野田發出特赦令俾52歲嘅佢返翻日本。投降兩日之後，小野田同冒險家鈴木紀夫，仲有當年嘅長官谷口義美一齊返返日本。當時總共有八千個日本群眾歡迎佢，當日日本廣播公司仲現場直播咗呢個歷史時刻，跟住一波「愛國主義」熱潮更加因為佢而係當地掀起。佢被日本傳媒稱為他最後「二戰最後一個日本兵」，民眾都視佢為國家英雄，日本政府更加俾咗一筆高達一百萬日元嘅補償金。但小野田就將呢筆錢俾靖國神社。呢個神社供奉咗知名自明治維新時代以唻為日本戰死嘅軍人同埋軍屬，多年以嚟唔少日本政要人物到場參拜都會引起咗爭議。之後小野田都婉拒咗天皇召見，理由係「天王陛下話唔定會低住頭同我講：[對唔住，辛苦你啦！]，我唔希望發生呢種事。回國後一年，由於佢唔適應現代化的日本社會，亦相當不滿當時新憲法對日本軍事行動的限制，所以就決定離開日本定居巴西。佢係巴西買咗一塊土地經營牧場，又係日本開辦「小野田自然塾」求生營，教授青少年野外求生技巧，係同年年近五十三歲嘅小野田，認識咗一個38歲嘅保險代理公司嘅老闆同時兼職茶道嘅老師- 町枝。喺第二年兩個人成婚一齊居住巴西。而過咗近20年之後，即係1996年5月，小野田已經七十四歲佢再次返返去當年堅守咗29年嘅盧邦島，當時，一個當年被佢所傷嘅81歲嘅農民接受咗小野田嘅擁抱，農民講：「我已經無怨恨，嗰件係好耐之前發生嘅事，仲提嚟做咩呢」。但係其他當地人就唔肯原諒呢個佢哋眼中嘅罪犯般的刺客，而小野田就以一貫嘅口吻講：「軍人就係要服從命令，係冇違反國際法律嘅狀況下，我無責任」。話雖如此，但係佢仍然捐咗一萬蚊美金俾盧邦島嘅學校做獎學金，另外佢又曾經出版多本自傳，好多都成為咗暢銷書。而佢嘅事蹟亦吸引咗好多人創作以佢為題材嘅作品。例如喺2005年，日本富士電視台播放出日劇《過遲歸國實錄：小野田少尉》。以小野田嘅事蹟紀念二戰終戰60年。除此之外，海外亦有唔少同佢相關嘅作品，包括電影、書籍、小說、紀錄片等等。不過小野田唔尋常嘅經歷，多年以來引起咗好多爭議。一名退伍軍人質疑少嘢電嘅故事全部都係佢一人敘述，懷疑佢編造謊言，而且一個叫池田信嘅作者係自傳《幻想英雄》中指出小野田唔係英雄，唔係士兵心甚至唔係勇敢嘅人。亦有人認為正正因為佢嘅執迷不悟，令盧邦島大量無辜嘅平民百姓死亡，根本唔應該視佢為英雄。而係2010年，小野田接受美國廣播公司訪問嘅時候指出，每個日本士兵都應該視死如歸，佢話：「我係是士官，接受命令，如果執行唔到會感到羞愧，我有爭勝能力」。此外，多年唻都經常參與右翼組織的愛國主義活動，每次聽到日本軍歌都會激動落淚。佢哋曾經表示身處作戰之中，唔需要為平民嘅死亡負責。

時間到在2014年1月16日，小野田因為肺炎引起嘅心臟衰竭併發症，係東京聖路加國際醫院離世，終年91歲。時至今日，小野田呢個極具爭議嘅人物仍然不時網絡上被討論，咁你又認為佢係一個為國堅持戰鬥盡責嘅好士兵，定係畀愛國主義沖昏頭腦唔肯接受現實嘅人呢？