【直播精華#85】 反朗頌之如何優雅地老去

頌頌：咁呢我嗰引言都講得好明確㗎喇，即係我嗰個反朗系列嘅目標係咩呢，就係……即係你知道康德呢，即係四哥就熟啦係咪，康德呢有個叫「設準」嘅嘢，佢就覺得呢你要講，你要講道德呢就不得不假設自由意志嘅。咁你諗落都似乎係啦，係咪啊？即係如果你係賣旗，其實你賣旗嘅行為呢係有個腦神經科學家喺你個腦度植入一個裝置，令你一定去賣嘅，咁你做咩好事都好啦，你唔會覺得咁樣有道德價值㗎嘛，咁呢個係康德哲學嘅「設準」啦！ 咁我覺得，其中一個使人類嘅道德成為可能嘅條件啦，就係「反朗」啦！
豬文（大笑）
頌頌：即係你唔反朗呢，基本上我覺得係講唔到道德嘅！所以反朗係人類文明最後嘅橋頭堡！如果你hold唔住呢……
豬文：一個common Ground
頌頌： 你唔hold住呢條底線啦，咁都得，咁咪everything goes囉。另外我就quote咗……你知有個政治哲學家叫G. A. Cohen （傑拉德．柯亨） 咁叻，佢有本書有個好得意嘅書名，書仔嚟嘅啫，我都冇睇晒嘅其實，咁佢就叫做： If You’re an Egalitarian, How Come You’re So Rich? 即係如果你係一個平等主義者，點解你咁鬼有錢㗎呢？可能遲啲我投學術期刊嘅呢篇文，咁我連英文標題都擬埋喇，就係：If You Take Morality Seriously, How Come You Support Cristiano Ronaldo? 即係如果你真係認真看待道德，你點解可以支持朗架呢？
豬文：我其實好想知而家睇緊嗰幾百人，有冇人係朗迷？你而家情何以堪
Alex：我覺得有啲危險呀，即係……經歷過一啲公關災難呢……
頌頌：不過呢其實講真，有個室友呢，都有少少熟嘅，佢都同我講佢係朗迷嚟㗎
豬文：所以你Encounter過㗎啦喎
頌頌：係啦冇錯，所以我今日係……同咗佢講嘅，我話「頭10分鐘你唔好聽live」，因為我要片一陣先
Alex：而家到未啊？依家幾多分鐘呀？
頌頌：應該……應該未過嘅
豬文：佢啦，D我以為佢出一個post唶，pk佢分晒章節㗎，D你老味真係成篇論文咁㗎，嗰個chapter D佢乜，呢個Chapter D佢乜，佢而家淨係寫咗一個Chapter咋。你可以講少少理由，因為我覺得……頌頌個重點啊，如果大家聽得明，佢唔係一個品味嘅問題，係道德嘅問題！ 咁所以我覺得你係有理由嘅！至少你自己覺得啦，我都有啲同意嘅！
頌頌：咁，第一個理由，亦都係我第一章嗰個標題啦，就叫做稚子何辜。
豬文（笑）
頌頌：即係一個幼稚嘅孩童，佢到底犯咗咩罪呢？佢要值得你咁樣對待呢？咁又跟開朗粉嘅粉絲就應該知道我講緊邊單新聞啦，就係話說呢……呢個被人類……即係被某啲人啦，封為人類史上最強前鋒嘅牙朗呢，係一場曼聯對愛華頓嘅比賽入邊呢，係帶領曼聯以零比一輸波嘅！ 咁你知牙朗對自己要求好高㗎嘛，咁佢老羞成怒就梗㗎啦！咁佢行去球員通道嘅時候呢，就有個細路唔識死，即係唔識得respect，咁個細路夠膽用個手機影牙朗喎，呢啲咪就係買棺材唔知埞囉，咁牙朗就小示懲戒，點樣做呢，就一野dum L咗個手機落地，跟住個細路手都瘀埋㗎，佢老母影晒相！
四哥：吓
頌頌：個細路個老母影咗相㗎 ！
豬文：條片好L癲㗎，兜巴拍落去㗎
四哥（驚訝）
豬文：跟住呢影住部電話分開咗三舊㗎
四哥：爛咗啊？
豬文：我唔知……總之舊電又甩咗出嚟啊，嗰啲呀
頌頌：跟住C朗 ……昂然走返入去球員通道
豬文：好誇張㗎，跟住個細路手呢個位係瘀L左囉
四哥：吓
頌頌：佢阿媽影咗相，除非佢阿媽特登打佢來做假新聞
四哥：咁應該係犯法架喎！
豬文頌頌（大笑）
頌頌：嗱！係啦，客觀嘅人就會得出呢個結論囉
四哥：佢傷人喎
頌頌：根據now新聞嘅資料啦，其實牙朗係好好㗎，因為呢事後係有聯絡呢個細路同佢阿媽嘅，咁但係根據佢阿媽嘅口供呢，首先第一最初唔係牙朗打電話俾佢嘅，喺牙朗嘅助手咁啦，咁打去問嘅時候呢嗰啲態度呢就係「吓你知道牙朗係邊個㗎嘛」「你原諒唔原諒佢啊」即係類似呢啲啦，咁最後佢個阿媽就唔原諒啦，你咁嘅態度。咁就牙朗親自打俾佢啦，牙朗親自打俾佢但一直叫錯佢阿媽個名嘅，叫個細路都係叫「嗰個細路囉」，同埋堅稱自己冇做到錯嘢，即係呢個係牙朗私底下做嘅野啦。 佢公開就係喺IG出咗個post嘅
豬文：好似有二百幾萬like定點嘅？
頌頌：係呀就係嗰啲傻L囉
全部人大笑
頌頌：嗱，我嘅分析係咩呢，點解公開IG就道歉，私底下就話冇做錯，然後叫錯人哋阿媽個名，叫嗰個細路做嗰個細路呢？其實我覺得佢係一個形象工程囉，即係佢唔係真心囉，佢係當阿媽同埋個細路係工具囉！咁嗰個你唔會問佢個名嘅咩，你呢隻杯叫咩名啊？咪「呢隻杯」囉！嗰個細路叫咩名啊？「嗰個細路」囉，我使乜知你叫咩名啊！
豬文：冇個體啊
頌頌：係呀冇個體……你只係我係邁向個人榮譽嘅踏腳石囉！
豬文：佢可以replaceable囉
頌頌：係呀冇錯呀！即係…… C朗係努力我同意嘅，但係佢為咗咩事？為咗個人嘅名利，為咗個人嘅名呢，你犧牲啲咩先， 犧牲個自閉細路，犧牲隊友嘅入波，
豬文：你講佢……個Offer係點樣都好好笑
頌頌：個Offer，哦係喎，差啲唔記得，嘩好勁啊，牙朗個Offer，我覺得呢啲真係「宅心仁厚」！牙朗呢，就唔係淨係口頭道歉嘅，佢有比一個Offer小朋友嘅，個Offer係咩呢？就係「嗱我俾你免費嚟曼聯嘅主場」「睇我踢波」，而嗰個細路呢係愛華頓球迷嚟嘅。有啲報道都話細路鍾意C朗嘅，但係喂大佬你啱啱掟完部手機，我有陰影喎你仲請我嚟睇你踢波咁樣？唔係即係有個Offer你都知佢咩人啦，就係「我踢波喎」「我恩賜嚟㗎喎」有咩理由唔想睇啊！
四哥：佢想像唔到個細路唔係自己嘅球迷
頌頌：天使嘅禮物你要唔要？ 因為我同啲friend講起都有人講呢個嘅，嗰個friend鍾意麥巴比嘅，佢就話「係咪呢啲運動員就係要有呢個格㗎」？就係為咗勝利不擇手段不惜一切，咁先可以去到呢個位呢？咁我又覺得唔係呀，即係美斯都唔係啦
豬文：程度問題啦
頌頌：即係係囉，程度問題啦，即係我又唔覺得，呢個就係登上呢個高度嘅不二法門
豬文：雖然真係有好多唔同類型嘅運動，都有人係呢個性格令到佢……但唔係necessary囉，咁同埋唔係我欣賞囉！我有啲哲學意味喺入邊㗎覺得，即係呢我睇到佢咁呢，我又會體諒嘅，即係……佢咁嘅性格，佢咁風光，跟住英雄遲暮，最理性梗係接受現實啦，你冇正選打囉！DLLM一唔出你就炒三粒咁樣，你係要live with it囉即係最理想做人，但係佢係好體現到，做人你要接受自己年老呢，一般人都要面對自己年老嘅，即係呢樣嘢好難面對，但係尤其係佢嗰個地位，嗰個成就，尤其運動員同果個身體咁有關係
四哥：佢人生後面嗰part其實係要點樣安置佢呢？佢之後要做啲咩呢？我覺得佢嗰下喊呢就係咁樣囉，「我完咗啦，我嘅運動員生涯……」我唔知係咪其實，係即係我純粹幻想，「我運動員生涯完咗啦」
豬文：真係完㗎喇我覺得，就算佢落班
四哥：係咪啊？
豬文：即係踢吓囉
頌頌：中超囉
豬文（大笑）
全部人（大笑）
豬文：又話我哋而家俾返啲同情佢，即刻又插一句， 去沙地阿拉伯踢囉，賺下錢養老囉！但係呢呢個好矛盾嘅，即係有啲人呢就覺得反而咁樣佢欣賞，佢就係唔認老。佢呢個位真係癲嘅，譬如佢而家就話佢返咗皇馬操，即係佢世界盃出局啦！佢未落班嘅，即係未有球會簽佢啦！但係佢即刻繼續操囉，就返咗西班牙，返咗皇家馬德里，即係借啲訓練場地去保持狀態。咁樣啲人呢就覺得佢真係黐L線嘅，即係一個人對抗成個世界，點睇都唔似老。但係個問題係，咁咪係核突呢？即係我覺得佢係呈現左個難題俾我哋㗎，即係佢而家就係死都唔認老，係咪Grow old gracefully呢？ 定係我哋設想另一個可能就係，咁我都接受自己冇以前咁勁啦，咁我咪踢吓後備囉。咁樣啦，我其實都欣賞喎，有好多……我睇籃球呢有好多都係咁嘅case嘅，即係就會見到有啲咁嘅case，好努力咁樣去轉型去搵自己嘅位置囉，咁但係牙朗就係嗰種偏執啦
頌頌：我就係要正選
豬文：咁所以有啲人呢？反而因為咁樣而欣賞佢，即係究竟點樣先係Grow old gracefully囉？ 雖然我睇佢喊果下，我係 ……嘩，而且我覺得最恐怖嘅係，佢真係埋單收工啊！講真佢心入面一定同美斯瘋狂比較啦！即係我哋做呢啲咁嘅垃圾，都會有妒忌心，都會有比較心。佢喺啲咁highly competitive嘅世界入邊，媒體日日提呀，即係佢一定發夢都諗起美斯嘅講真，佢嘅性格冇可能唔會。而DLLM，佢真係埋單啊！即係咩叫老呀，年老點解咁可怕？ 喺你個possibility越嚟越窄啊！而佢至少係佢作為足球員，喺世界盃呢個領域，佢真係埋單呀，佢冇咗possibility啊！佢出局就玩完㗎啦，佢呢一世就真係玩L完啦！ 我覺得佢喊係，佢未接受到呢樣嘢呀！當然年老都有好多唔同嘅面向，可能睇吓你想跑都冇咁快，跳得冇咁高，但係更加可怕嘅係嗰個可能性越嚟越窄。我覺得佢一路一定要催眠自己，「我一定唔會攞到世界盃」，「我一定贏到美斯」，即係佢嘅性格一定係咁啊。但係佢去到球員通道一佢俾摩洛哥個踢出局嗰下，唔到你唔認，你就係呢世就係咁囉，你就係冇可能贏過美斯囉！你就去攞唔到世界盃啦！嘩你諗吓如果美斯贏L埋！ 所以我有啲不忍嘅係佢呈現左人嘅嗰個脆弱囉！跟住我呢排又成日睇啲希臘悲劇嗰啲嘢，其實希臘悲劇最強調就係fragility of 我哋嘅人生囉，即係我哋人生有幾脆弱囉。而我喺度諗，喺度睇呢本書一路 一路睇波呢，我覺得，D你現代運動咪做到呢樣嘢囉，pk啲人幾L努力啊，我頭先都話個個都好努力㗎啦，有啲人就係一世贏唔到啊，你就去到嗰個位㗎咋，知道你已經好L勁㗎啦，但總係有個大山係你面前，你就係超越唔到囉，呢個咪就係悲劇囉，提示你係subject to luck囉。 你係subject to decline你個age囉。 我覺得成件事係黐線㗎囉，跟住我睇呢啲……嘩就覺得好L心噏囉！咁當然悲劇會勁啲啦，即係希臘悲劇就係啲古希臘人睇悲劇透過學嗰啲角色點樣面對，去處理返自己囉。咁可能佢未做到嘅，但係佢呈現左個fragility of 我哋嘅life 囉。
Alex：葡萄牙同希臘都好近嘅
全部人（大笑）
豬文：都係地中海附近啦
四哥：其實做人不外乎係咁嘅，即係就係「唉個世界係咁樣喇」 跟住呢？你自己係點呀，你要……不過好難做嘅呢件事就係，即係我要一個充足嘅self-understanding，然後問自己可以喺呢個世界入邊可以飾演一個乜嘢嘅角色
豬文：所以我同意個位就係，即係你要繼續努力囉，但係唔代表你要堅持打正選囉
四哥：冇錯，未必係呢個努力嘅方向吖嘛
豬文：即係如果你繼續好L努力你轉型，D你變成防守中場，死chur瘋狂逼搶
頌頌：連登有個post話建議佢轉打後衛
豬文：打中堅囉，你跳得咁高頂晒啲波走
頌頌：係呀岩嘛
豬文：即係如果你係咁，嘩型到PK囉。即係所以努力唔代表要係佢而家呢種處理方法囉，可能
四哥： 嗱，呢個係……牙朗之歌
頌頌：牙朗之歌，即係歡送佢囉，即係一代傳奇
Alex：你準備好未啊？
頌頌：準備好
豬文（大笑）：再唱多次，頌頌自己改歌詞㗎
頌頌：係呀改咗少少嘅啫其實，大部份都係跟返嘅，大家準備啦，我哋……我哋一齊學習grow old gracefully

反朗之歌 （原曲開心小跳豆）
改詞：頌頌
演唱：頌頌

要說再見 要講拜拜
再見面 要等一個禮拜
每一天 我都想你 要做個好乖乖（唔好對人手機啦）
不如玩多一次 先走
不如勾下手指尾 先至講再見
我哋要操兵 我哋轉過身
一圈一圈一圈一圈講再見
不如踢多一屆 先走
不如勾下手指尾 先至講再見
我哋要操兵 我哋轉過身
一圈一圈一圈一圈講再見
氹氹轉 玩L完
甩波快過撐龍船
一起輸到掉手機
感覺都特別暖

豬文（大笑）：甩波快過撐龍船，又真喎，癡L線
頌頌：我幾開心啊，知佢返皇馬訓練場，我諗住佢再加盟皇馬㗎 （忍唔住笑）
Alex：講真你？
豬文：係咁講到講反話，DLLM，係咁喺度講風涼話！