6／1《圍爐取戀》性病驚魂

小蜜蜂: 我覺得佢應該係冇嘅。
Kneta: 點解先? 我想知你信佢嗰個理據係乜嘢？
小蜜蜂: 因為睇佢日常對家人呀，真係好照顧呀，即系我覺得佢唔係一個咁嘅人。
東方昇: 即係我以為就係你仲係覺得佢有玩女人，所以你同佢發生關係嗰時，你覺得佢好污糟，咁你又的確相信佢冇喎，咁你仲有啲憂慮係乜嘢呢？
小蜜蜂: 我憂慮就係，佢就算而家好返啦，但係佢繼續從事呢個工作嘅時候，佢都有機會係接觸到㗎嘛。咁如果我再同佢發生關係，我就覺得好擔心囉。
東方昇: 咁反而我會覺得呢個係一個好技術上嘅問題。我會問喇，你係驚不自覺間，其實佢又再傳染咗畀你。咁我會問喇，咁安全套可唔可以防到呢種性病呢？
小蜜蜂: 係可以嘅，但係其實佢又唔係好想囉。
叻叻: 喂，呢啲唔係想唔想喎。
東方昇: 如果你話呢個，唔好理佢個工作關係會唔會染到性病啦，佢純粹唔想用安全套，咁就食藥啦，總之就是但一方搞掂佢，或者去結紮呀。但係呢個真係牽涉到佢會有病，佢唔可以因為唔想，因為冇其他方法解決啦。如果你真係要要發生，你一定要用安全套去預防㗎咋喎，冇其他選擇啦，係嘛。
小蜜蜂: 係呀，其實我都知嘅。
叻叻: 咁但係你如果同佢發生關係，你係會選擇就佢嘅，唔用嘅?
小蜜蜂: 我會拒絕佢囉，因為我始終覺得用會安全啲，起碼現階段啦，佢啱啱好返初期，我覺得用嘅，大家會有少少保障囉。

Kneta: 唔係初期，我覺得一路都要用囉，真係for一段關係嚟講，唔係講你有冇病呀。
叻叻: 除非你諗住生BB囉。咁我想問下呢，佢好番咗之後，有冇同你發生過性行為？
小蜜蜂: 即係錫呀，攬呀，其實都有。但係去到最尾，入埋房閂埋門呢，硬係好似唔知點咁囉總之就
東方昇: 咁你覺得唔知點係就係因為你驚有機會有性病？
小蜜蜂: 係喇，佢又驚自己工作有機會惹到
Kneta: 咁但係如果咁簡單咪嘅就戴套咯
Terry: 就係囉
小蜜蜂: 係呀其實我都明呢個情形
東方昇: 其實真心，戴套就係解決到喎
Terry: 佢會唔會覺得，有冇一個可能性係呢，從男仔嗰度出發呀，即係佢已經同你去做曬body check啦，2個都康復咗冇事啦，咁會唔會就係，佢嗰個不適來自於做嘅時候你叫佢戴返套，嗰一下佢會覺得你唔信任佢呢?
小蜜蜂: 佢會覺得係囉
東方昇: 但係其實佢自己都驚㗎喎
小蜜蜂: 係呀，其實佢驚又驚囉
眾人: 嗯……

小蜜蜂: 雖然大家最後都冇事啦，但係好似就係呢件事發生咁多次嗌交呀嗰啲呢，就覺得好似點解有啲信任不足囉
Kneta: 即係其實我覺得會唔會有機會歸根究底，唔係關個病事，即係嗰個所謂嘅信任唔係話驚你又嘢到返嚟，或者你唔信我唔需要戴套，而係其實你個心底裡係唔信佢個為人囉
東方昇: 會唔會呢？
小蜜蜂: 係呀，係呀，因為佢嗰次最後我趕咗佢走之後呢，佢坦白同我講呢，其實佢話自己中到招呢，因為佢去驗呀嘛，驗呢就要等幾個禮拜嘅。咁其實呢佢呢幾個禮拜其實都覺得係我傳染畀佢㗎囉。
眾人: 吓
Kneta: 搞錯呀
小蜜蜂: 但係佢就冇同我講，好似呢就暗啞底咁樣，好似就問啲問題呀。因為其實佢係A0嚟嘅之前，咁我呢之前就同人有拍過拖
叻叻:明白明白
小蜜蜂: 咁樣佢就覺得呢，會唔會係我同其他人發生關係惹到呢?咁呢之後到佢自己有病喇，就捉我去驗喇，咁驗完個結果出埋嚟又要等幾個禮拜，之後其實佢都接受唔到我冇呀
東方昇: 吓
小蜜蜂: 佢事後呢因為我當面鬧爆啦，之後呢佢就話呢，其實佢好開心呢我係冇嘅
東方昇: 你冇偷食呀嘛起碼
小蜜蜂: 係喇

東方昇: 起碼佢唔係自己搵女人呢，如果我相信佢呢句說話
叻叻: 係喇係喇
東方昇: 咁所以我覺得而家面對嘅問題就系，驚唔驚會唔會再傳染到同埋心理上你信唔信係清白嘅問題
小蜜蜂: 呢樣嘢我覺得係反而係最大嘅問題
東方昇: 因為你問我呢，如果喺性病嗰個層面上呢，其實好簡單咋嘛，叫佢戴安全套啦，可能定期check啦，咁咪有效可以預防到啦，所以嗰個問題反而我都係相對容易解決㗎。但係你話喺心理層面上呢，嗰個就要心病還需心病醫，性病還需性藥醫
叻叻: 我覺得咁樣聽完佢講都比較樂觀嘅，即係起碼兩邊唔係話偷食咗，跟住要克服咗一個心理關口嘅，只不過2個都懷疑咗對方，咁2個攞返出嚟傾都容易解決嘅
東方昇: 咁咪去返普通嘅愛情問題，你要畀信心，畀安全感對方，話你哋其實兩方面都係忠誠專一未得囉
小蜜蜂: 都嘗試咗幾次(發生關係)，但係都好似唔係好work咁
東方昇: 因為我再又細分喇，你話嘗試唔係好work嘅原因係你唔work丫，定係佢根本可能因為心理問題，佢唔信你，佢舉唔起呢? 係邊個唔work先? 因為都會有好多情況可以令到唔work㗎嘛

小蜜蜂: 姐係我okay嘅，但係佢會去到特別關頭呢，佢就好似又唔係好得
東方昇: 因為你問我，嗱我好簡單，我覺得佢應該冇得去質疑你係咪忠誠，因為你已經驗到冇嘢喇，所以其實應該問題唔係你度啦。而你OK㗎嘛，所以其實問題呢喺佢嗰度㗎喎
小蜜蜂: 我覺得信任層面上係最難搞
東方昇: 你呢一刻相唔相信佢先?
小蜜蜂: 我呢一刻相信佢嘅
東方昇: 係，佢相唔相信你先？
小蜜蜂: 咁我真係答唔到喎
東方昇: 其實我諗唔到點解佢唔相信你
Kneta: 你又冇事，之後有嘢係佢
小蜜蜂: 我覺得佢都應該相信我嘅
東方昇: 如果你哋愛情上都相信，即係另一個可能性就係，佢會唔會因為個病之後呢，你話會影響個性能力吖嘛。
Kneta: 有陰影呀佢
東方昇: 佢一路凝住自己個性能力，仲係未好翻呀
小蜜蜂: 係呀，我覺得佢會有咁樣擔心囉
Kneta: 我覺得唔係你覺得啦，你應該真係好似大家一定要傾，唔係話我覺得佢應該信任我嘅，我覺得佢係會咁咁咁嘅
小蜜蜂: 即係我都明白佢作為男方，對呢樣嘢可能就算好返呢，佢都應該有啲壓力嘅
東方昇: 係呀，呢個我覺得甚至乎，嗱我未試過㗎但我信㗎，即使你哋行埋呢，就算佢係唔得啦，可能佢不擧啦，你都唔好唼一聲呢，你要知道咪慢慢試囉，畀啲耐性囉。唔好一次唔得，咁你就唼佢，第2次又唔得，又唼。你唼得多呢，你有冇咁做先?
Terry: 佢就真係唔得㗎啦
小蜜蜂: 即係都冇明確咁樣嫌棄佢，
東方昇: 冇明確…
叻叻: 即係有暗示
Terry: 可能有啲神情呢

東方昇: 係呀，會唔會呀？無論明確定係唔明確，你都要真心畀耐性佢，因為佢真係一個病人嚟㗎嘛，咁而佢康復都要有時間吖嘛。即係我中咗肺炎，我條氣都唔順啦，我都要跑幾次步，我先跑得上去啦。所以你要真心畀耐性佢，我覺得懷疑就係可能你即使唔明確，你都會顯露咗出嚟，而佢又get到。我覺得慢慢試咗先啦
小蜜蜂: 係呀，我會嘗試同埋我會努力㗎
東方昇: 如果真係唔得，咁咪睇醫生囉。暫時我哋幫到你到呢度㗎咋
Kneta: 同埋堅持戴套，再睇多次
東方昇: 係呀係呀
小蜜蜂: 明白明白，好啦唔該曬你哋呀
東方昇: 希望2023年你可以…
Kneta: 擺脫呢個陰影呀
Terry: 成功打第一炮
東方昇: 係呀係呀真係呀
小蜜蜂: 好呀唔該曬你哋，Bye Bye
眾人: Bye Bye

東方昇: 聽完頭先個case，我嘅感受就覺得女仔呢真係要體諒吓我哋啲男仔呀
Kneta: 我好體諒㗎係
東方昇: 因為真心，可能男仔其實要成功舉起啦，其實可能心理因素好容易影響到就唔得。如果另一半係即刻唼呀，或者點樣啦，哇我哋個心理壓力好大㗎
Kneta: 咁如果我喺側邊跳曬舞「加油加油」咁，咁你哋係咪好啲?
東方昇: 可能好啲
Kneta: 好啲呀嘛
Terry: 壓力大就會影響
Kneta: 咁我想問，如果係嘅話，我哋女仔應該點做先？
東方昇: 嗱我覺得你應該話因為男人女人啲結構真係唔同，女人可能佢都狀態唔好啦，但係佢可以扮
叻叻: 扮高潮
東方昇: 你唔知(女人)，但係男人係冇得呃人。而一次唔得，第2次壓力仲大
叻叻: 哦
東方昇: 一壓力大呢，第2次唔得呢就死得喇
Terry: 第3次就更加之大壓力啦
叻叻: 佢哋好身同感受
東方昇: 喺啦，跟住個女人可能會幻想個問題係…… 我未試過呀，即係咁講啦。女人會幻想係咪可能成世都唔得呢?
叻叻: 哦~
Kneta: 會㗎會㗎
東方昇: 所以我覺得解決方法好簡單，女仔多啲體諒，俾啲耐性，咁就男仔個信心就會返返嚟㗎喇。知唔知呀
Kneta: 知喇
東方昇: 知唔知呀?
Terry: 唔好咁harsh呀，唔好唼人呀
Kneta: Terry加油呀，我會等你
東方昇: 好啦咁希望新一年各位男士都龍精虎猛呀
叻叻: 步步高昇
東方昇: 好! Bye Bye